Mahindi yafyekwa tena Katavi

26 December 2024, 5:41 pm

“katika makubaliano ilikuwa wataendelea kufanya shughuli zao za kilimo mpaka watakapopewa fidia lakini hawataruhusiwa kukata mti wowote ambao utakuwa upo ndani ya shamba“

Na Samwel Mbugi-Katavi

Baadhi wa wananchi wa kata ya Kasekese kijiji cha kagunga halmashauri ya wilaya ya Tanganyika  mkoani Katavi wanaofanya shughuli za kilimo katika eneo la mradi wa hewa ukaa   wamelalamikia hatua ya kufyekewa mahindi na walinzi wa msitu  ikiwa ni kinyume na makubaliano.

Wakizungumza na Mpanda Radio FM wamesema makubaliano yalikuwa  walipwe fidia ili kupisha mradi katika maeneo hayo ambapo wameongeza kuwa katika makubaliano ilikuwa wataendelea kufanya shughuli zao za kilimo mpaka watakapopewa fidia lakini hawataruhusiwa kukata mti wowote ambao utakuwa upo ndani ya shamba.

Hata hivyo wameongeza kuwa katika makubaliano hayo wao walikubali kuendelea kufanya kazi za kilimo katika maeneo hayo kwa kuzingatia makubaliano ya bila kukata miti na kutokujenga nyumba za kudumu

Sauti za wananchi wa kijiji cha kagunga wakilalamika kuhusu kufanyiwa uharibifu wa kukatiwa mahindi kwenye mashamba yao

Kwa upande wake mwenyekiti wa Kijiji cha Kagunga Michael John Msenges amebainisha kuwa  ni kweli mgogoro huo  upo lakini una historia ndefu ya makubaliano na wakulima wa maeneo hayo ambayo yapo kwenye mradi.

Paulos Kija ni  diwani wa kata ya kasekese amesema kuwa mgogoro huo  umedumu kwa muda mrefu  tangu mkuu wa wilaya akiwa Salehe Mhando  hivyo wananchi wawe watulivu katika kipindi hiki wakati suala hilo likiendelea kushughulikiwa ili kila mmoja apate haki yake.

Sauti ya Paulos Kija ni  diwani wa kata ya kasekese

Kija amebainisha kuwa ni wananchi 42 ambao waliingia makubaliano hayo ya matumizi bora ya ardhi na makubaliao ya awali ilikuwa watafutiwe maeneo mengine ya makazi ili wapishe eneo hilo.