Jamii FM
  Stream radio
Menu
Jamii FM
  2. Kilimo
  3. CCM yaitaka CBT koboresha mfumo wa usambazaji pembejeo kwa wakulima

CCM yaitaka CBT koboresha mfumo wa usambazaji pembejeo kwa wakulima

25 July 2024, 07:51 am

Mwenyekiti wa Chama Cha Mapinduzi Mtwara Vijijini Nashir Pontiya akizungumza na wadau wa maendeleo wakati wa kujadili na kutoa maoni ya nini kifanyike katika dira ya taifa ya maendeleo ya 2025/50 (Picha na Musa Mtepa)

Kitendo cha kuwepo kwa madalali kwenye zao la korosho ndiyo sababu mojawapo inayochangia wakulima kutonufaika na kile alichokilima pamoja na mfumo wa mnada unaofanyika sasa hivi wa kutokuwepo mhusika aliyeweka barua ya ununuzi wa korosho hizo.

Na Musa Mtepa

Mwenyekiti wa Chama Cha Mapinduzi Mtwara Vijijini Nashiri Pontiya ameitaka Bodi ya Korosho Tanzania kuboresha mfumo wa usambazaji wa pembejeo za zao la korosho ili kuondokana na changamoto zinazowakabili wakulima vijijini.

Hayo ameyasema  kwenye kikao cha ushauri wilaya Mtwara (DDC) kilichofanyika Julai 23, 2024 katika chuo cha ualimu Mtwara (TTC KAWAIDA) kilichojadili Dira ya taifa ya maendeleo ya Mwaka 2025/50 ambapo amesema kuwa changamoto zimekuwa nyingi juu ya mfumo wa usambazaji wa pembejeo  kwa wakulima pamoja na kuwashirikisha viongozi wa serikali za mitaa katika kutoa elimu kwa wakulima juu ya pembejeo zinazotolewa.

Sauti ya Nashiri Pontiya Mwenyekiti wa chama cha mapinduzi Mtwara vijijini.

Wakichangia  mapendekezo ya nini kifanyike kupitia dira ya taifa ya maendeleo ya mwaka 2025/50 wadau wa kilimo kupitia zao la korosho na Mwani wamependekeza kutokuwepo kwa madalali (mtu kati)kwenye minada ya zao la korosho ili kumsadia na kumnufaisha mkulima zao hilo.

Sauti ya Bibie Abraheman Ghasia akizungumzia nini kifanyike kwenye zao la Mwani kuelekea utekelezaji wa dira ya taifa ya maendeleo ya mwaka 2025/50
Bibie Abreheman Ghasia akichangia kwa upande wa kilimo cha Mwani nini kifanyike kuelekea dira ya taifa ya maendeleo ya mwaka 2025/50(Picha na Musa Mtepa)

Kwa upande wa mkurugenzi mtendaji wa bodi ya korosho Tanzania (CBT) Francis Alfred amesema moja ya changamoto kubwa iliyopo kwa wakulima ni kutoridhika na kipato anachokipata kutoka kwenye mazao hivyo ili kuondoa changamoto hizo na katika kutekeleza dira ya taifa ya maendeleo wilaya na mkoa kwa ujumla kuangalia namana gani mkulima aweze kumiliki viwanda vya kubangulia korosho ili kuzipa thamani na kuachana na mtu kati wa zao la korosho.

Sauti ya Francis Alfred Mkurugenzi mtendaji wa bodi ya korosho Tanzania.