Jamii FM
  Stream radio
Menu
Jamii FM
  2. Uchaguzi
  3. RC Mtwara: Wananchi jitokeze kwa wingi kujiandikisha katika daftari la wapiga kura

RC Mtwara: Wananchi jitokeze kwa wingi kujiandikisha katika daftari la wapiga kura

10 October 2024, 15:55 pm

Mkuu wa mkoa wa Mtwara Kanali Patrick Sawala akizungumza na Waandishi wa habari (Picha na Musa Mtepa)

Maeneo ya utawala kwa nchi nzima yalitangazwa na Waziri husika kutoka ofisi yar ais TAMISEMI September 16,2024 na baada ya kutangaza maeneo hayo wasimamizi wa uchaguzi kwa ngazi za halmashauri zote nchini zikiwemo na halmashauri (9) za mkoa wa Mtwara nazo zilitangaza.

Na Musa Mtepa

Wananchi wa mkoani Mtwara wametakiwa kujitokeza kwa wingi kujiandikisha katika daftari la wapiga kura ili kutimiza haki yao ya kikatiba ya kuchagua katika uchaguzi wa serikali za mitaa utakaofanyika Novemba 27, 2024.

 Wito huo umetolewa na mkuu wa mkoa, Kanali Patrick Sawala, katika mkutano na waandishi wa habari ofisini kwake.

Zoezi la kuandikisha wapiga kura litaanza rasmi kuanzia Oktoba 11 hadi 20, 2024. Kanali Sawala amesisitiza umuhimu wa wananchi wenye sifa kujitokeza ili kuhakikisha wanapata haki yao ya kupiga kura.

Sauti ya1  Kanal Patrick Sawala Mkuu wa Mkoa wa Mtwara.

Aidha, amewataka wanamtwara kuchagua viongozi bora kwa maendeleo ya mkoa na taifa kwa ujumla, na amekumbusha sifa zinazohitajika kwa wapiga kura na wagombea.

Sauti ya 2 Kanal Patrick Sawala Mkuu wa Mkoa wa Mtwara.

Kanali Sawala pia amesisitiza umuhimu wa amani katika mchakato wa uchaguzi, akihimiza wananchi kujiepusha na vitendo vya uvunjifu wa amani.

Sauti ya 3 Kanal Patrick Sawala Mkuu wa Mkoa wa Mtwara

Kwa upande wake, Mratibu wa uchaguzi wa serikali za mitaa mkoa wa Mtwara, Edith Shayo, amesema kuwa zoezi la uandikishaji litatumia jumla ya kata 91, mitaa 188, vijiji 785, na vitongoji 3421. Vituo vya upigaji kura vitakuwa 3627, vilivyopo katika kila halmashauri za mkoa.

Sauti ya Edith Shayo Mratibu wa uchaguzi mkoa wa Mtwara.
Mratibu wa uchaguzi wa serikali za mitaa mkoa wa Mtwara Edith Shayo akitolea ufafanuzi utaratibu na vituo vya kujiandikisha katika daftari la wapiga kura(Picha na Musa Mtepa)

Uchaguzi huu wa serikali za mitaa ni sehemu ya mchakato mkubwa wa kidemokrasia, na hatua za awali zimeshaanza kwa kutoa elimu kwa makundi mbalimbali, ikiwa ni pamoja na watu wenye ulemavu, viongozi wa dini, na vijana.