Jamii FM
  Stream radio
Menu
Jamii FM
  2. Nishati
  3. Serikali yatakiwa kuwa na mipango endelevu matumizi ya gesi asilia

Serikali yatakiwa kuwa na mipango endelevu matumizi ya gesi asilia

9 September 2024, 21:48 pm

Mwonekano wa mitambo ya uchimbaji wa Gesi alisia katika eneo la Msimbati mkoani Mtwara(Picha na Musa Mtepa)

Kamati ya Kudumu ya Bunge ya Nishati na Madini ilikuwa katika ziara ya kakizi katika kujionea miradi mbalimbali ya inayotekelezwa katika jamii kupitia urejeshwaji wa jamii (CSR) kuptia Shirika la Maendeleo ya Petrol Nchini TPDC katika vjiji vya Msimbati,Mngoji na Madiba ambapo miradi kama kituo cha Afya,Kituo cha Polisi na Taa za Barabarani imeanza kutekelezwa.

Na Musa Mtepa

Kamati ya kudumu ya Bunge ya nishati na Madini imeishauri serikali kuwa na mipango endelevu ya matumizi ya  Gesi asilia  inayozalishwa nchini kwa kukuwa jamii inauelewa umuhimu wa matumizi ya nishati hiyo.

Akizungumza leo September 9, 2024 Makamu Mwenyekiti wa kamati ya kudumu ya Bunge ya nishati na Madini Kilumbe Ng’enda amesema Watanzania wengi wameanza kuelewa manufaa ya gesi asilia katika kupikia,kuendeshea magari hivyo ni wakati wa kuongeza kasi ya uzalishaji ,usambazaji na ushirikishaji wa  wadau kwenye vituo vya kuuza gesi kwa ajili ya Magari.

Sauti ya 1  Kilumbe Ng’enda makamu Mwenyekiti wa kamati ya kudumu ya Bunge ya nishati na madini.

Aidha Mh: Kilumbe meitaka serikali kuipa umuhimu wa  Barabara inayotokea mjini kuelekea Msimbati kutengenezwa kwa kiwango cha Lami kwa manufaa ya Wananchi  Pamoja na  viongozi wanaotembelea katika maeneo hayo

Sauti ya 2 Kilumbe Ng’enda makamu Mwenyekiti wa kamati ya kudumu ya Bunge ya nishati na madini.
Makamu mwenyekiti wa kamati ya kudumu ya Bunge ya nishati na madini Kilumbe Ng’enda akizungumza na Waandishi wa habari juu ya ziara ya kikazi(Picha na Musa Mtepa)

Kwa uapnde wake Naibu Waziri wa Nishati Judith Kapinga amesema kuwa wao kama serikali wamepokea maelekezo yaliyotolewa  huku akiishukuru kamati hiyo kwa kuridhishwa na miradi inayotekelezwa na Shirika la Maendeleo ya Petroli Nchini(TPDC) hususani ya CSR ikiwemo mradi wa kituo cha Afya Msimbati,kituo cha Polisi  na mradi wa taa Barabarani iliyowekwa katika vijiji vya Msimbati,Mngoji na Madimba.

Sauti ya Naibu Waziri wa Nishati Judithi Kapinga
Naibu Waziri wa Nishati Mh.Judith Kapinga na Makamu mwenyekiti wa kamati ya kudumu ya Bunge Mh.Kilumbe Ng’enda wakiwa katika ziara ya kikazi ya ukaguzi wa miradi ya maendeleo inayotekelezwa na TPDC kupitia CSR(Picha na Musa Mtepa)

Akizungumzia ujio wa kamati hiyo Meneja mkuu wa kampuni ya GASCO Mhandisi Baltazar Thomas  amesema kuwa  kamati ilikuja kujionea utekelezaji wa miradi mbalimbali ya urejeshwaji wa jamii (CSR) huku akizungumzia kiwango cha Gesi kinachozalishwa kwa hivi sasa katika eneo la uchakatwaji wa gesi asilia.

Sauti ya Baltazar Thomas Meneja wa kampuni ya GASCO