Jamii FM
  Stream radio
Menu
Jamii FM
  2. Uchaguzi
  3. TAKUKURU Mtwara yawanoa wanahabari uchaguzi serikali za mitaa

TAKUKURU Mtwara yawanoa wanahabari uchaguzi serikali za mitaa

11 November 2024, 18:04 pm

Waandishi wakiwa katika mafunzo ya uelewa juu ya kanuni na taratibu za uchaguzi wa serikali za mitaa yaliyotolewa na TAKUKURU Mtwara(Picha na Musa Mtepa)

Haya ni mafunzo yenye lengo la kuwawezesha waandishi wa Habari mkoani Mtwara kutambua kanuni na taratibu zitakazo waongoza katika ufanyaji kazi katika kuelekea uchaguzi wa serika za mitaa November 27,2024

Na Musa Mtepa

Taasisi ya kuzuia na kupambana na Rushwa (TAKUKURU ) Mkoa wa Mtwara leo November 11, 2024 imefanya mafunzo kwa waandishi wa Habari juu ya elimu inayohusiana na uchaguzi wa serikali za mitaa unaotarajiwa kufanyika November 27, 2024 kote nchini.

Akizungumzia lengo la mafunzo hayo naibu mkuu wa TAKUKURU mkoa wa Mtwara Jumbe Makoba amesema lengo ni kuwapa elimu inayohusu uwelewa wa kanuni,miongozo na taratibu zilizopo kwa ajili ya kusimamia uchaguzi wa serikali za mitaa wakijua wapo ndani ya mipaka kupitia mafunzo waliyopewa.

Sauti ya 1 Jumbe Makoba naibu mkuu wa TAKUKURU Mkoa wa Mtwara.
Naibu mkuu wa TAKUKURU mkoa wa Mtwara Jumbe Makoba akiwa katika mafunzo ya waandishi wa habari mkoa wa Mtwara.

Aidha Bw Makoba amesema kupitia mafunzo hayo yatawasaidia katika kuibua na kutangaza vitendo vyenye viashiria ya Rushwa aidha kwa wagombea au Wananchi na hatua ziweze kuchukuliwa.

Sauti ya 2 Jumbe Makoba naibu mkuu wa TAKUKURU mkoa wa Mtwara

Kwa upande wake Mwezeshaji wa mafunzo hayo ambae pia Mjumbe wa uchaguzi wa kamati ya uchaguzi ngazi ya mkoa wa Mtwara Bw Hassani Linyama amesema mafunzo hayo yamekuwa muhimu kwa Waandishi wa Habari ili kuweza kupata uelewa  juu ya yale yanaendelea katika jamii.

Sauti ya Hassani Linyama Mwezeshaji wa mafunzo
Mjumbe wa kamati ya uchaguzi na mwezeshaji wa mafunzo Hassani Linyama akitoa mafunzo juu ya uewelewa wa kanuni na taratibu za uchaguzi wa serikali za mitaa kwa waandishi wa habari.

Nao Waandishi wa Habari wameonesha kufurahishwa na mafuzno hayo kwakuwa yatawasaidia katika utendaji kazi wao kwa kufuata kanuni na taratibu zilizopo katika uchaguzi wa serikali za mitaa.

Sauti ya waandishi wa Habari waliohudhuria mafunzo hayo.

Mafunzo hayo ni sehemu ya juhudi za TAKUKURU katika kuhakikisha kuwa waandishi wa habari wanatambuakanuni,taratibu pamoja na kuibua viashiria vya vitendo vya Rushwa katika uchaguzi katika uchaguzi wa serikali za mitaa.