Jamii FM
  Stream radio
Menu
Jamii FM
  2. Mtwara news
  3. Changamoto za usafirishaji ,wakulima kuuza korosho kg1,kwa Tsh 2700 Mtwara

Changamoto za usafirishaji ,wakulima kuuza korosho kg1,kwa Tsh 2700 Mtwara

24 October 2024, 17:30 pm

Baadhi ya magunia ya korosho yaliyoletwa na wakulima katika chama cha ushirika Namayanga yakiwa nje ya eneo la kupimia katika ofisi za chama hicho (Picha na Musa Mtepa)

Soko la awali serikali imeridhia kwasababu ya kuongeza ubanguaji wa ndani wa zao hilo hivyo chama kikuu hakiwezi kukataza mkulima kuuza mazao yao kupitia soko hilo ispokuwa wakulima wanatakiwa kuridhia wenyewe.

Na Musa Mtepa

Wakulima wa mtaa wa Namayanga ,kata ya Mtawanya ,Manispaa ya Mtwara Mikindani wamesema wapo tayari kuuza korosho zao kwa Bei ya shilingi 2700 kwa kilo moja kupitia Soko la awali ili kunusuru ubora na soko la zao hilo.

Wakizungumza leo October 24, 2024 ,kwenye mkutano ulioitishwa na viongozi wa chama cha  ushirika Namayanga (NAMAYANGA AMCOS) wakulima hao wamesema kuwa kutokana na mwenendo wa soko ulivyo na hali ya usafirishaji wake kutoka AMCOS kwenda Ghala kuu kuwa  mgumu kumewasukuma kufanya maamuzi hayo.

Sauti ya Wakulima  wa zao la korosho mtaa wa Namayanga.

 Seifu Abdala Mnegelea Mwenyekiti wa AMCOS Namayanga amesema kilicho msuku Kuwahamasisha wakulima wa kata hiyo kuuza korosho kupitia soko la awali ni changamoto anazokutana nazo katika kusafirisha mzigo kuutoa kwenye AMCOS kupeleka kwenye Ghala kuu.

Sauti ya Abdala Mnegelea mwenyekiti wa Namayanga AMCOS

 Kwa upande wake Mwenyekiti wa Chama Kikuu cha Ushirika cha Masasi, Mtwara na Nanyumbu (MAMCU)Ltd  Al-hajji  Azam Mfaume maarufu Jula Jula amekiri kuwepo kwa changamoto za usafirishaji wa  mizigo kutoka kwenye Maghala ya AMCOS Kwenda  Ghala kuu kunako tokana na kuzidiwa kwa wasafirishaji.

Sauti ya 1 Al-hajji Azam Mfaume mwenyekiti wa MAMCU Ltd.

Aidha Al-hajji Azam amesema wao kama chama kikuu cha ushirika hawawezi kumzuia mkulima kuuza korosha zao kupitia soko la awali kwani lipo kisheria na linatambuliwa na serikali huku akiwaomba wakulima kukubaliana na mabadiliko yaliyofanyika yenye lengo la mkusaidia mkulima Mwenyewe.

Sauti ya 2 Al-hajji Azam Mfaume mwenyekiti wa MAMCU Ltd.