Jamii FM
  Stream radio
Menu
Jamii FM
  2. Mazingira
  3. TPDC yatoa mafunzo kwa wanafunzi wa STEMCO Mtwara

TPDC yatoa mafunzo kwa wanafunzi wa STEMCO Mtwara

15 June 2024, 15:45 pm

afisa tarafa wa kata ya Ziwani Winfrida Linyembe akizungumza na wanafunzi wa STEMCO wakati wa warsha hiyo (picha na Musa Mtepa)

Sekta ya mafuta na gesi ni sekta nyeti ambayo wananchi wengi wanapaswa kufahamu nini kinafanyika huko na miradi gani inatekelezwa hivyo kwa mujibu wa sheria ya mwaka 2015 (Petroleum Act 2015) inaipa TPDC hadhi ya kuwa shirika la mafuta katika utafutaji, usambazaji na uendelezaji

Na Grace Hamisi

Shirika la Maendeleo ya Petroli Tanzania (TPDC) Juni 14, 2024  limetoa mafunzo kwa wanafunzi wa chuo cha Stella Maris Mtwara (STEMCO) yanaohusiana na mafuta na gesi kwa uchumi endelevu na usalama wa mazingira.

Akizungumza kwa niaba ya Mkuu wa Wilaya ya Mtwara, Ofisa Tarafa wa kata ya Ziwani Winifrida Linyembe amesema Tanzania imejaliwa kuwa na gesi asilia ambayo inapatikana mikoa ya  Lindi na Mtwara na licha ya kupatikana huo lakini pia imekuwa ikiwanufaisha watanzania kwa ujumla.

Sauti ya Winfrida Linyembe afisa tarafa ya Ziwani akizungumza kwa niaba ya mkuu wa wilaya ya Mtwara.

Kwa upande wa Afisa maendeleo ya jamii kutoka Shirika la Maendeleo ya Petroli Tanzania (TPDC) Ally Mluge amesema kuwa kutoa semina hiyo ni moja ya jitihada za TPDC za kusambaza elimu kuhusu mafuta na gesi asilia kwa makundi mbalimbali lengo ni jamii kuona namna ya matumizi ya gesi asilia yanavyokuwa.

Aidha ameongeza kuwa kukua kwa matumizi ya gesi asilia  kunachangia kwa kiasi kikubwa shughuli za maendeleo ya taifa kwani mpaka sasa kwa umeme ambao unaingia kwenye  gridi ya taifa zaidi ya asilimia 60 unatokana na gesi asilia.

Sauti ya Ally Mluge afisa maendeleo ya jamii kutoka shirika la maendeleo ya Petrol Tanzania(TPDC)
Afisa maendeleo ya jamii kutoka Shirika la Maendeleo ya Petroli Tanzania (TPDC) Ally Mluge akizungumza na wanafunzi wa STEMCO picha na (Musa Mtepa)

Kwa upande wa mwanafunzi wa chuoni hapo Petronila Fabian ameshukuru  kupata elimu ya  namna ya kutumia gesi na kuhifadhi gesi asilia jinsi ilivyo muhimu huku akiiomba TPDC kuwapa nafasi wanafunzi  wanaomaliza chuo hapo kushiriki katika kupata elimu ya umuhimu wa matumizi na faida ya Gesi Asilia.

Sauti ya Petronila Fabian mwanafunzi wa chuo cha STEMCO
wanafunzi wa chuo cha STEMCO wakisikiliza warsha hiyo