Jamii FM
  Stream radio
Menu
Jamii FM
  2. Wanawake
  3. Blandina Chilumba aahidi maendeleo zaidi baada ya ushindi wa uchaguzi

Blandina Chilumba aahidi maendeleo zaidi baada ya ushindi wa uchaguzi

13 December 2024, 15:54 pm

Mwenyekiti wa mtaa wa Mihambwe Brandina Chilumba (Picha na Mwanahamisi Chikambu)

Blandina Chilumba ametetea nafasi yake katika uchaguzi uliopita hii inadhihirisha kuwa wananchi wa mtaa wa Mihambwe bado wana Imani naye.

Na Mwanahamisi Chikambu

Mwenyekiti wa Mtaa wa Mihambwe, Kata ya Naliendele, Manispaa ya Mtwara Mikindani, Blandina Chilumba, ameendelea kutetea kiti chake baada ya uchaguzi wa serikali za mitaa uliofanyika Novemba 27, 2024.

Bi. Chilumba ameahidi kutekeleza ahadi zake na kuendelea na kazi alizoanzisha ili kuleta maendeleo kwa wananchi wa mtaa huo.

Akizungumza na Jamii FM redio, Bi. Chilumba amewaomba wananchi wa Mtaa wa Mihambwe kuendelea kutoa ushirikiano ili kushirikiana kutatua changamoto zinazowakabili na kusaidia kuendeleza ujenzi wa ofisi ya mtaa huo.

Sauti ya 1 Brandina Chilumba mwenyekiti wa mtaa wa Mihambwe

Aidha, Bi. Chilumba ameviomba vyama vya siasa kukubali matokeo ya uchaguzi na ameahidi kuhakikisha anamaliza miradi iliyozinduliwa katika mtaa huo.

Sauti ya 2 Brandina Chilumba mwenyekiti mtaa wa Mihambwe

Wananchi wa mtaa wa Mihambwe, Abillah Masudi na Hadija Swalehe, wamesema kuwa wameamua kumpa tena nafasi ya kuongoza kwa sababu kiongozi huyo anasikiliza na kuelewa changamoto zao.

Sauti ya baadhi ya Wananchi wa mtaa wa Mihambwe