Jamii FM
  Stream radio
Menu
Jamii FM
  2. Kilimo
  3. CBT yashauriwa kuhakiki wakulima kuepuka changamoto za pembejeo

CBT yashauriwa kuhakiki wakulima kuepuka changamoto za pembejeo

21 December 2024, 14:30 pm

Mkuu wa mkoa wa Mtwara Kanali Patrick Sawala akiongoza kikao cha kamati ya Ushauri mkoa kilichofanyika katika ukumbi wa mikutano wa Benk kuu tawi la Mtwara (Picha na Musa Mtepa)

Hiki ni kikao cha ushauri cha mkoa wa Mtwara kinachohusisha uwasilishaji wa taarifa mbalimbali za maendeleo ,changamoto na utatuzi wake ikiwemo katika sekta ya Afya ,Elimu,Uchumi  na uzalishaji.

Na Musa Mtepa

Bodi ya Korosho Tanzania imetakiwa kuanzisha mapema uhakiki wa taarifa za wakulima wa zao la korosho ili kuepuka changamoto zinazojitokeza katika zoezi la uandikishaji na ugawaji wa pembejeo za ruzuku zinazotolewa na serikali kwa wakulima.

Wito huu umetolewa leo, Disemba 21, 2024, na Ismail Liuye, mjumbe wa kikao cha kamati ya ushauri mkoa wa Mtwara na mwenyekiti wa chama cha NCCR – Mageuzi Mkoa wa Mtwara, katika kikao kilichofanyika katika ukumbi wa Benki Kuu Tawi la Mtwara.

Liuye amesisitiza kuwa ni muhimu kwa Bodi ya Korosho kuwaeleza wakulima kwa kina kuhusu hatua zinazochukuliwa katika kukabiliana na changamoto zilizojitokeza katika msimu uliopita, hususan kuhusiana na uandikishaji wa mashamba na usimamizi wa pembejeo.

Sauti ya Ismail Liuye mjumbe wa kikao na mwenyekiti wa NCCR MAGEUZI MTWARA
Ismail Liuye mjumbe wa kikao na mwenyekiti wa NCCR MAGEUZI MTWARA

Kwa upande mwingine, Mwakilishi wa Mkurugenzi Mkuu wa Bodi ya Korosho Tanzania, Bw. Mangile Malegesi, amejibu hoja hizo na kusema kuwa wamejipanga kukabiliana na changamoto hizo kwa kuajiri vijana 500 ambao watahusika katika uhuashaji wa taarifa za wakulima, kusimamia usambazaji wa pembejeo, na kutoa elimu kwa wakulima katika vijiji vyote vinavyolima korosho katika mikoa ya Lindi, Mtwara, Ruvuma, Pwani, na Tanga.

Mangile Malegesi Mwakilishi wa Bodi ya Korosho Tanzania(CBT)

Pamoja na majibu hayo  wenyevikiti wa Halmashauri ya Wilaya ya Tandahimba Newala mji , Baisa Abdala Baisa na Yusuph Kateule, wameleza wasiwasi kuhusu mpango huo wa kuajiri vijana kutoka maeneo mingine kuwa hatua hiyo inaweza kupunguza nafasi za ajira kwa vijana wa Mtwara, jambo ambalo litakwamisha maendeleo ya uchumi wa mkoa huo.

Sauti ya wenyeviti wa halmashauri ya Newala na Tandahimba
Mwenyekiti wa halmashauri ya Tandahimba Baisa Abdala Baisa

Wakati huo, Mkuu wa Mkoa wa Mtwara, Kanali Patrick Sawala, ametoa wito kwa viongozi kuwaambia vijana kuwa waaminifu na kufanya kazi kwa bidii pindi wanapojitokeza kwa fursa za ajira, ili waweze kunufaika na nafasi hizo.

Sauti ya Kanali Patrick Sawala mkuu wa mkoa wa Mtwara