Jamii FM
Nyumba yateketea kwa moto
21 May 2021, 15:05 pm
Na Karim Faida
Wananchi wa mtaa wa Mmingano kata ya Tandika Manispaa ya Mtwara Mikindani mkoani hapa wameguswa na tukio la moto lililotokea Mapema Asubuhi ya leo ambapo nyumba ya Ndugu Sefu Bahili imeungua yote na hakuna kilichookolewa.
Akiongea na Jamii fm Radio katika eneo la tukio Bi hawa Hassani mkazi wa Mtaa huo amesema kutokana na hali ya Ndugu Bahili kiuchumi hawezi kupata tena makazi kama hayo kwa kuwa ana maisha ya kawaida na kuomba wadau wamsaidie kujenga nyumba nyingine.
Nae Mwenyekiti wa mtaa huo wa Mmingano Ndugu Abdallah Mussa amesema tukio hilo limetokana na hitilafu ya umeme ambapo moto huo ulianzia kwenye mita ya umeme ya nyumba hiyo.
