Madiwani Tanganyika watakiwa kusimamia miradi inayoanzishwa na wananchi

14 September 2023, 12:18 pm

Serikali itaendelea kusimamia utekelezaji wa miradi yote ya serikali na kuhakikisha wanatoa huduma bora kwa wananchi.

Na Kilian Samwel – Tanganyika
Madiwani halmashauri ya Tanganyika mkoani Katavi wametakiwa kusimamia miradi inayoanzishwa na wananchi pamoja na kuwashirikisha katika miradi mbalimbali ya serikali.

kufikia tarehe 15 mwezi huu kutoa taarifa ya hatua gani ilipofikia miradi yote ndani ya halmashauri ambayo haijakamilika.

Hayo yamesemwa na Mbunge wa Jimbo la Mpanda Vijijini Selemani Kakoso wakati wa baraza la madiwani halmashauri ya Tanganyika ambapo amesema madiwani wanawajibu wa kuwashirikisha wananchi kwenye miradi ya serikali.

Mwenyekiti wa halmashauri ya Tanganyika Hamad Mapengo amemuagiza mkurugenzi wa halmashauri ya Tanganyika kufikia tarehe 15 mwezi huu kutoa taarifa ya hatua gani ilipofikia miradi yote ndani ya halmashauri ambayo haijakamilika.

Kwa upande wake kaimu Mkurugenzi wa halmashauri hiyo Dr. Alex Mrema amesema serikali itaendelea kusimamia utekelezaji wa miradi yote ya serikali na kuhakikisha wanatoa huduma bora kwa wananchi.