Joy FM
  Stream radio
Menu
Joy FM
  2. Miundombinu
  3. Wananchi wataka serikali kuharakisha ujenzi wa daraja mto Ruiche Kigoma

Wananchi wataka serikali kuharakisha ujenzi wa daraja mto Ruiche Kigoma

18 November 2024, 12:40

Wananchi wa eneo la Mgumile Kata ya Kagera Manispaa ya Kigoma wakivuka mto ruiche kwa kutumia mtubwi, Picha na Josephine Kiravu

Serikali kupitia kwa wakala wa barabara za mijiji na vijijini TARURA Wilaya Kigoma imesema inaendelea na ujenzi wa daraja la mto ruiche ambalo limekuwa likiwasumbua wananchi wa eneo hilo hasa wakati wakivuka kwenda shuleni.

Na Josephine Kiravu – Kigoma

Wananchi wa Kata ya Kagera hasa wanaoutumia mto Ruiche kuvuka kwenda maeneo ya Mgumile wameiomba Serikali kuharakisha ujenzi wa daraja ili kurahisiah kufika eneo la mgumile kwa urahisi na kuondoa hofu kutokana na usafiri wa mtumbwi wanaotumia kwa sasa kutokuwa rafiki.

Febraury 24, 2023 ni siku ambayo ina kumbukumbu mbaya kwa wakazi wa kitongoji cha mgumile kata ya Kagera baada ya watoto 6 kuzama mto ruiche wakati wakivuka kuelekea shuleni na mtumbwi waliokuwa wakiutumia kuvuka kupigwa na dhoruba na kupinduka.

Wananchi wakipakia pikipiki na kupanda kwenye mtumbwi wakati wakitaka kuvuka mto Ruiche, Picha na Josephine Kiravu

Hali hiyo iliamsha hisia za wananchi na kuiomba Serikali kuwajengea daraja, na aliekuwa mkuu wa wilaya kwa wakati huo Salum Kali kuahidi kujenga daraja kwenye eneo hilo.

Na sasa ujenzi unaendelea lakini wananchi ni kama bado hawaelewi hatma yao kwani hulazimika kuahirisha shughuli zao mto ukiwa umejaa maji.

Sauti ya wananchi wa eneo la Mgumile Kata ya Kagera Manispaa ya Kigoma Ujiji

Kwa upande wake, Meneja wakala wa barabara za mijini na vijijini TARURA Mhandisi  Paul Mtapima amesema ujenzi unaendelea na matarajio ni kukamilika February 2025.

Sauti ya Meneja wakala wa barabara za mijini na vijijini TARURA Mhandisi  Paul Mtapima
Ujenzi wa daraja la mto ruiche ukiwa umeanza katika mto Ruiche Manispaa ya Kigoma Ujiji, Picha na Josephine Kiravu

Hata hivyo kukamilika kwa ujenzi wa daraja hilo unatajwa kurejesha matumaini kwa wanafunzi ambao wengi wao walilazimika kuhamishwa shule huku ikiwa ni ahueni pia kwa wazazi pamoja na wananchi wa maeneno hayo kwani shughuli kubwa wanayoitegemea ni kilimo katika eneo la mgumile.