Wafanyabiashara 4026 wasajiliwa Kigoma

29 August 2025, 17:30

Wafanyabiashara wadogowadogo Mkoani Kigoma wametakiwa wametakiwa kuchangamkia fursa za mikopo inayotolewa na taasisi za benki na Halmashauri ili waweze kujikwamua kiuchumi.

Na Orida Sayon

Shirikisho  la umoja wa machinga Tanzania (SHIUMA) kanda ya magharibi limefanya kongamano la kumpongeza Dkt Samia Suluhu Hassan Rais wa jamuhuri ya muungano wa Tanzania kwa uboreshaji wa miundombinu ya biashara.

Kongamano hilo limefinyika leo katika uwanja wa katubuka sekondari  manispaa ya kigoma ujiji ikihusisha mikoa ya  Katavi, Kigoma,Tabora na Rukwa

Akitoa taarifa ya hali ya usajili wa wafanyabiashara ndogondogo, Afisa biashara  Baraka Fubusa amesema jumla ya wafanyabiashara 4026 wamesajiliwa katika mfumo wa wanyabiashara ndogondogo mkoani Kigoma.

Aidha ameeleza kuwa wafanyabiashara wengi wamekuwa na madeni  mengi  katika taasisi za kifedha, na kukosa mwitikio wa kulipia vitambulisho vya wafanya biashara ndogondogo hali inayopelekea kukosa mikopo ili kujikwamua katika biashara zao.

 Licha ya uwepo wa mafanikio na uboreshwaji wa miundombinu ya biashara ukosefu wa elimu ya mikopo na kukosa mitaja ni miongoni mwa changamoto zinazowakumba wafanyabiashara.

Mkuu wa Wilaya ya Kigoma Dkt Rashid Chuachua akimwakilisha Mkuu wa Mkoa wa Kigoma katika kongamano hilo amewataka wafanyabiashara hao kuchangamkia fursa ya mikopo inayotolewa na taasisi za kifedha na mikopo inayotolewa na halmashauri ili kujikwamua kiuchumi.