Joy FM
  Stream radio
Menu
Joy FM
  2. Uchumi
  3. Mkandarasi akabidhiwa mkataba na ramani ya soko la mwanga Kigoma

Mkandarasi akabidhiwa mkataba na ramani ya soko la mwanga Kigoma

21 November 2024, 12:54

Watalaamu wa manispaa ya kigoma Ujiji wakiongozwa na Mkurugenzi wao Mabuba wakati wa makabidhiano ya ramani na mkandarasi kwa ajili ya kuanza ujenzi, Picha na Lucas Hoha

Mkandarasi anayetajaiwa kujenga soko la mwanga na mwalo wa Katonga Manispaa ya Kigoma Ujiji ametakiwa kuanza ujenzi wa miradi hiyo ili iweze kukamilika kwa wakati na ubora unaotakiwa.

Na Lucas Hoha – Kigoma

Mkurugenzi wa Manispaa ya Kigoma Ujiji Kisena Mabuba amekabidhi mkataba, ramani na kuonyesha mipaka ya Soko la Mwanga na Mwalo wa Katonga  kwa Kampuni ya ASABHI CONSTRACTORS LIMITED inayoshirikiana na PIONEER BUILDERS LIMITED kwa ajili ya kuanza ujenzi wa Soko la Mwanga na Mwalo wa Katonga miradi inayotarajia kugharimu zaidi ya Shilingi Bilioni 16.

Viongozi wa manispaa ya kigoma wakitembelea na kumuonyesha mkandarasi mipaka ya soko la mwanga ambalo linaanza kujengwa, Picha na Lucas Hoha

Akizungumza na waandishi wa habari, Mkurugenzi wa Manispaa ya Kigoma Ujiji Kisena Mabuba amesema wamemuelekeza mkandarasi wa ujenzi wa miundombinu hiyo kufanya kazi kwa weledi na kuzingatia ubora kulingana na mkataba.

Sauti ya Mkurugenzi wa Manispaa ya Kigoma Ujiji Kisena Mabuba

Nao baadhi ya wafanyabiashara wa Manispaa ya Kigoma Ujiji mbali na kutoa shukrani kwa serikali kwa ajili ya juhudi za ujenzi wa Soko na Mwalo wa katonga wamesema pindi ujenzi huo utakapokamilika itasaidia uwepo wa mzunguko wa biashara na kuwavutia wafanyabiashara wa ndani na nje ya nchi.

Sauti ya baadhi ya wafanyabiashara wa Manispaa ya Kigoma Ujiji