CCM walia na migogoro ya ardhi, umeme Kigoma

21 November 2024, 10:04

Wakati kampeni za uchaguzi wa Serikali za mitaa zikiwa zimenduliwa rasmi, viongozi wa chama cha mapinduzi wameomba serikali kuaidia kutatua changamoto za ukosefu wa umeme na migogoro ya ardhi.

Na Emmanuel Kamangu – Kasulu

Serikali kupitia chama cha mapinduzi ccm imeombwa kumaliza tatizo la umeme pamoja na migogoro ya ardhi ambayo imekuwa ikijitokeza katika maeneo mengi mkoani kigoma.

Amebainisha hayo mwenyekiti wa chama cha mapinduzi ccm mkoani kigoma  Bw, Jamal Tamimu katika uzinduzi wa kampeni za serikali za mitaa  ambao kimkoa umefanyika katika viwanja vya kiganamo wilayani kasulu na kumuomba Comred Christopher Gachuma ambaye amekuwa mgeni rasimi kwa niaba ya waziri mkuu kasimu majaliwa kuhakikisha anafikisha salamu hizo ili changamoto ya umeme na ardhi ipatiwe ufumbuzi.

Kwa upande wake Bw, Christopher Gachuma ambaye ni Mjumbe wa halmashauri kuu ya ccm taifa  amesema tatizo la umeme na migogoro ya ardhi  ni moja ya mambo ambayo serikali tayari imeshatenga fedha ili kuhakikisha changamoto zote hizo ambazo zimekuwa zikileta shida kwa baadhi ya maeneo ya mkoa wa kigoma zinapatiwa suruhu.

Aidha Bw, Gachuma amesema wananchi mkoani kigoma wanapaswa kuendelea kukiamini chama cha mapinduzi ccm ili kiendelea kuimalisha hali ya amani na utulivu pamoja na kuwaletea  wananchi maendeleo.

Hata hiyo Bw. Gachuma amesema kutokana na maendeleo ya kutosha ambayo  ccm imepeleka kwa  wananchi wa mkoa wa kigoma anauhakika wananchi watachagua kwa kishindo viongozi wa  vitongoji, mitaa na vijiji  wanaotokana na chama cha mapinduzi.