Joy FM
  Stream radio
Menu
Joy FM
  2. Usalama
  3. RC Kigoma asema hali ya usalama ni shwari

RC Kigoma asema hali ya usalama ni shwari

7 January 2026, 08:59

Mkuu wa Mkoa Kigoma akiwa kwenye picha ya pamoja na Kamishna wa Polisi Jamii CP. Faustine Shilogile, Picha na Ofisi ya mawasiliano Kigoma

Serikali inaendelea kuchukua hatua katika kuboresha utendaji kazi wa Jeshi la Polisi kwa kuongeza kiasi kikubwa nyenzo za usafiri ili kurahisisha ufikiwaji wananchi na kutatua changamoto zao za kiusalama

Na Mwandishi wetu

Mkuu wa Mkoa wa Kigoma Balozi Simon Sirro amesema hali ya usalama mkoani hapa imeendelea kuimarika pamoja na uwepo wa changamoto ya idadi kubwa ya wahamiaji haramu kutoka nchi zinazopakana na mkoa, wanaolenga kuingia nchini kujitafutia kipato sambamba na ukosefu wa hali ya amani na utulivu maeneo wanayotoka.

Mkuu wa Mkoa Kigoma akisalimiana na Kamishna wa Polisi Jamii CP. Faustine Shilogile, Picha na Ofisi ya mawasiliano Kigoma

Sirro ametoa kauli hiyo alipokutana Kamishna wa Polisi Jamii CP. Faustine Shilogile akiwa mkoani hapa kwa ajili ya kuendesha mafunzo ya kuwajengea uwezo Maafisa wa Polisi Jamii Kanda Namba tano inayohusisha mikoa ya Kigoma, Kagera na Tabora.

Balozi Sirro ameuomba uongozi wa Serikali kupitia jeshi hilo kuendelea kuongeza watendaji katika mkoa, kutokana na uhitaji mkubwa uliopo.

Mkuu wa Mkoa Kigoma akiwa kwenye picha ya pamoja na Kamishna wa Polisi Jamii CP. Faustine Shilogile, Picha na Ofisi ya mawasiliano Kigoma

Kwa upande wake, Kamishna Shilogile amesema serikali inaendelea kuchukua hatua katika kuboresha utendaji kazi wa Jeshi hilo ikiwemo kuongeza kwa kiasi kikubwa nyenzo za usafiri ili kurahisisha ufikiwaji wananchi na kutatua changamoto zao za kiusalama.