Joy FM
  Stream radio
Menu
Joy FM
  2. Usalama
  3. Madereva wa magari madogo wapatiwa elimu ya usalama barabarani

Madereva wa magari madogo wapatiwa elimu ya usalama barabarani

25 March 2025, 11:28

Mkuu wa kituo cha kikanda ca umahiri katika usalama barabarani Godlisten Msumanje akitoa mafunzo ya usalama barabarani, Picha na Hagai Ruyagila

Madereva wa magari madogo Wilayani Kasulu Mkoani Kigoma wameaswa kuzingatia sheria za usalama barabarani

Na Hagai Ruyagila – Kasulu

Madereva wa magari madogo ya kubeba abiria katika halmashauri ya Mji Kasulu Mkoani Kigoma, wameishukuru serikali ya awamu ya sita kupitia chuo cha taifa cha usafirishaji NIT kwa kuendelea kuwapatia mafunzo ya usalama barabarani ambayo yatawasaidia kupunguza ajari zisizotarajiwa.

Madereva hao akiwemo Adrof Michael na Yekonia Choya wametoa shukrani hizo wakati wakipatiwa mafunzo ya usalama barabarani kutoka kwa wakufunzi wa chuo cha taifa cha usafirishaji NIT.

Wamesema mafunzo hayo ni muhumu kwa madereva wote wa vyombo vya moto ili kuendelea kujua na kutii sheria za usalama barabarani na hivyo kupunguza hatari ya ajari.

Sauti ya Madereva hao akiwemo Adrof Michael na Yekonia Choya

Getrude Chale, Mhadhiri Msaidizi kutoka chuo cha taifa cha usafirishaji NIT amesema madereva wa magari madogo ya kubeba abiria wamekuwa wakichangia kwa kiasi kikubwa kusababisha ajari za barabarani, Hivyo mafunzo hayo ni muhimu ili kuwasaidia kuboresha ufanisi wao katika matumizi ya barabara na kuepuka madhara ya ajari.

Sauti ya Getrude Chale, Mhadhiri Msaidizi kutoka chuo cha taifa cha usafirishaji NIT

Kwa upande wake Copro Emmanuel Fussy kutoka jeshi la polisi kikosi cha usalama barabarani wilaya ya Kasulu amewasihi madereva hao kutii mafunzo hayo na kuhakikisha wanazingatia sheria za usalama barabarani ili kuepuka ajari na kuhakikisha usalama wa abiria na watumiaji wengine wa barabara.

Sauti ya Copro Emmanuel Fussy kutoka jeshi la polisi kikosi cha usalama barabarani wilaya ya Kasulu

Naye Mkuu wa kituo cha kikanda cha umahiri katika usalama barabarani (NIT) kanda ya Afrika mashariki na kusini mwa Afrika Godlisten Msumanje amesisitiza kuwa dereva yeyote ana kuwa makini anapoendecha chombo cha moto ili kuepuka ajari.

Sauti ya Mkuu wa kituo cha kikanda cha umahiri katika usalama barabarani (NIT) kanda ya Afrika mashariki na kusini mwa Afrika Godlisten Msumanje

Mafunzo hayo ya Usalama barabarani Katika halmashauri ya mji Kasulu yameendeshwa na wakufunzi wa chuo cha taifa cha usafirishaji NIT kwa siku tano kwa kushirikiana na jeshi la polisi kitengo cha usalama barabarani wilaya ya kasulu yakiwahusisha wanafunzi wa shule za msingi zilizopo kando ya barabara, Madereva wa pikipiki maarufu bodaboda, madereva wa bajaji, madereva wa magari madogo ya kubeba abiria maarufu michomoko na watembea kwa miguu.