Tahadhari ya mvua za el nino zachukuliwa Makete

5 October 2026, 8:09 pm

kutokana na mamlaka ya hali ya hewa nchini Tanzania kutoa taarifa za ujio wa mvua za eli nino wananchi wameendela na zaezi la kuzibua mitaro ya maji pamoja na kukata miti iliyo pembezoni mwa barabara pamoja na kukumbushana namna ya kujikinga na mvua hizo ili zisije kuleta madhara makubwa

Na Rose Njinile.

Katika kuhakikisha tahadhari ya mvua za el nino zinaendelea kuchukuliwa , wananchi wa ivalalila na mwongolo hii leo oktoba 5,2026 wamejitokeza katika zoezi la kuzibua mifereji inayopitisha maji pamoja na kukata miti iliyo pembezoni mwa barabara

Mwenyekiti wa mamlaka ya mji mdogo wa iwawa ndg Joseph Mbilinyi  ameungana na wananchi wa mwongolo na ivalalila katika zaezi hilo la kuzibua mitaro hiyo ya maji huku akiwapongeza   wananchi kwa umoja wao wakujitokeza kwa wingi katika zoezi hilo ambalo ni njia moja wapo ya kuchukua tahadhari ya mvua hizo

Mwenyekiti wa Muungano Ivalalila  Ndg Lazaro Chaula  amewasihi wananchi wa Ivalalila kutokana na mvua hizo zinazotarajiwa kuanza kunyesha mwezi huu kuendela kuchukua tahadhari pamoja na kuweka akiba ya chakula huku akimpongeza mkuu wa wilaya ya makete mhe kissa Gwakisa  kasongwa kwa kuendelea kuhamasisha wananchi kuchukua tahadhari ya mvua hizo.

Kwa upande wake mwenyekiti wa kitongoji cha ikiligano ndg Noad Mbilinyi amesema kuwa wao kama viongozi wamekuwa wakiendelea kutoa elimu kwa wananchi wanaoishi katika ameneo hatarijishi kuweza kuchukua tahadghari ya mvua za el nino zinazotarajia kunyesha kuanzia mwezi huu wa oktoba

Nao baadhi ya wananchi wa ivalalila na mwongolo akiwemo Gwido Mahenge,Elizabeti chaula wameshukuru kwa zoezi hilo lililofanyika hukuwakiwapongeza viongozi wao kwa kuendela kutoa elimu kuhusu mvua hizo za eli nino