Red cross makete wahimizwa kuendelea kutoa elimu ya kujikinga na majanga ya maafa

5 November 2026, 10:05 am

mwenyekiti wa Redcross Mkoa wa Njombe Edgar Bosco Mtitu akizungumza na wanachama wa red cross makete

kutokana na tahadhari inayotolewa kuhusu mvua za el nino pamoja na majanga mengine shirika la msalaba mwekundu makete wamesisitizwa kuendela kutoa elimu kwa wananchi namna ya kujinga na majanga hayo

na Rose Njinile.

Mkuu wa wilaya ya makete mhe Kissa Gakwisa Kasongwa amewataka wanachama wa Red cross wilaya ya makete kuendelea kuwahudumia jamii kwa utu na kwa kujitoa huku akiwasisitiza kujitokeza kwenye fursa mbali mbali zinazojitokeza kwenye maeneo yao

Mhe Kissa  Kasongwa ameyasema hayo kwenye kikao kilichofanyika kwenye ukumbi wa mamlaka ya mji mdogo wa iwawa uliokuwa na lengo la kutambulisha uongozi mpya wa red cross mkoa wa Njombe  pamoja na kumchagua mratibu wa red cross wilaya ya makete

sauti ya dc kissa Kasongwa 01

Mwenyekiti wa Redcross Mkoa wa Njombe Edgar Bosco Mtitu amewahimiza wanachama hao  kuendelea kufuata misingi ya red cross katika kuhakikisha wanahamasisha  jamii kuchangia damu, kupinga ukatili wa kijinsia  kuwa waadilifu,kujitolea pamoja na kuwa na umoja na hata  kufanya matendo ya huruma kwenye  jamii

sauti ya Mwenyekiti wa Redcross Mkoa wa Njombe Edgar Bosco Mtitu 02

baadhi ya wananchama wa msalaba mwekundu wilaya ya makete

Aidha Ndg Edgar amewasisitiza kuwa na mipaka ya sare za red cross na kuepuka kuvunja miiko ya taasisi hiyo kwa kufanya mambo ambayo ni kinyume kwa kutokujihusisha kwenye matukio mabaya kama  ugomvi kambi za starehe huku ukiwa umevalia sare yenye nembo ya red cross kwakuwa  kosa hilo  adhabu yake ni kifungo

sauti ya wenyekiti wa red cross Edgar 03

Nae Diwani wa kata ya iwawa Mhe Rabson Antony Mahenge amewasisitiza wanachama hao wa red cross wilaya ya makete kujitoa na kuonekana kwa jamii  ili uongozi uweze kuwatumia katika shughuli mbali mbali ambazo zinaweza kujitokeza katika halmashauri ya wilaya ya makete

sauti ya diwani kata ya iwawa mhe Rabson 04

Mwenyekiti wa Redcross Mkoa wa Njombe Edgar Bosco Mtitu akiendelea kuzungumza na wanachama wa red cross

Mratibu wa Red Cross Mkoa wa Njombe ndg  Cyprian Madege amesema kuwa lengo pia lakufika makete ni kuendela kutoa tahadhari  kwa wananchama  wa red cross  kuhusu mvua za El Nino ili waweze kwenda kwa jamii kutoa elimu namna ya kujiandaa na kujikinga dhidi ya mvua hizo zinazotarajiwa kuanza mwezi oktoba mwaka huu

sauti ya mratibu wa red cross mkoa Madege 05

Hata hivyo mratibu huyo amebainisha majukumu makubwa ya red cross katika jamii kuwa ni pamoja na kutoa huduma ya kwanza kwa jamii  hasa kwenye mikusanyiko ya watu wengi kama mikutano, kutoa elimu mbali mbali ya kujikinga na magonjwa ya mlipuko,kutoa elimu ya kujikinga na maafa pamoja na kuhamasisha jamii kujitolea kutoa damu salama

Nao baadhi ya wanachama wa red cross akiwemo bi fungo wameshukuru kwa uongozi huo mpya wa mkoa wa njombe kufika katika halmashauri ya makete huku wakisema kuwa ujio wao utaongeza chachu kwao katika kuendesha gurudumu la kusaidia shughuli mbali mbali

sauti za wanachama 06

Uongozi wa red cross mkoa  wa njombe umesema umelichukua jina lililopendekezwa na wanachama hao la chriss Patrick sanga kuwa mratibu wa red cross makete  ili taratibu zingine zifanyike na  kuweza kuanza kutekeleza majukumu yake