Kura 17 za ndio zampitisha makamu mwenyekiti Pangani DC

31 July 2024, 4:33 pm

Ni kawaida kila mwaka wa fedha baraza la madiwani hupiga kura kumchagua makamu mwenyekiti wa halmashauri anayeongoza kwa mwaka mmoja.

Na Cosmas Clement

Baraza la Madiwani wa halmashauri ya wilaya ya Pangani July 31 2024 limempitisha kwa mara nyingine Mheshimiwa Zainabu Mvaa diwani wa viti maalumu tarafa ya Mwera kuwa makamu mwenyekiti wa Halmashauri ya wilaya ya Pangani

Matokeo ya uchaguzi huo yametangazwa na mwenyekiti wa halmashauri hiyo Mheshimiwa Akida Bahorera  katika kikao cha baraza la madiwani wa halmashauri ya wilaya hiyo.

Mhe, Bahorera amesema uchaguzi wa makamu mwenyekiti wa halmashauri na wenyeviti wa kamati kwa kawaida hufanyika mwaka wa fedha unapofika mwisho.

Kwa upande wake Bi Zainabu amewashukuru madiwani kwa kuendelea kumuamini kutumikia nafasi hiyo na kuahidi kutekeleza wajibu wake ili kuiletea maendeleo halmashauri ya wilaya ya Pangani.

Bi Zainabu ambaye ni diwani wa viti maalumu wa tarafa ya Mwera amechaguliwa kuwa makamu mwenyekiti wa halmashauri kwa mara ya tatu mfululizo.