Pangani FM
  Stream radio
Menu
Pangani FM
  2. Afya
  3. Afa baharini akisherehekea Eid Al-Adha

Afa baharini akisherehekea Eid Al-Adha

9 June 2025, 9:21 pm

Ufukwe wa bahari ya hindi mjini Pangani, ambapo kijana amekufa majini. Picha na Cosmas Clement

Matukio ya kufa majini hutokea katika bahari ya hindi mjini Pangani nyakati za sikukuu, na mara nyingi vifo hivyo hutokea kwa wageni wanaojaribu kuogelea kwa mara ya kwanza katika eneo hilo.

Na Rajabu Mrope

Kijana mmoja mwenye umri wa miaka 16 mkazi wa Muheza amefariki baada ya kuzama maji katika eneo la Pangadeko mjini Pangani mkoani Tanga.

Akizungumza kwa njia ya simu na Pangani Fm mwenyekiti wa kitongoji cha Funguni Yasri Salim amesema tukio hilo limehusisha watu wawili kuzama wakati sikukuu ya pili ya Eid El Adha huku  mmoja akiokolewa akiwa hai.

Sauti ya mwenyekiti wa kitongoji cha funguni bwana Yasri Salim.
Sehemu ya ufukwe wa bahari ya hindi katika mji wa Pangani ambapo wageni wengi na wenyeji hupendelea kutembelea wakati wa siku kuu.

Mwenyekiti pamoja na kuelezea tahadhari zilizokuwepo katika eneo la fukwe hizo,amewataka watu wanaokuja kuogelea kwenye eneo waweze kuwasiliana na viongozi wa Kijiji ili kupata maelezo juu ya maeneo ambayo ni hatari kuogelea.

Sauti ya mwenyekiti wa kitongoji cha funguni bwana Yasri Salim.