Sibuka FM
  Stream radio
Menu
Sibuka FM
  2. Elimu
  3. Wazazi wafelisha wanafunzi 213 elimu ya msingi mkoani Simiyu

Wazazi wafelisha wanafunzi 213 elimu ya msingi mkoani Simiyu

23 December 2024, 8:36 pm

Kwenye picha ni afisa elimu mkoa wa Simiyu, Khalifa Shemahonge akielezea sababu zilizochangia ufaulu wa wanafunzi wa darasa la saba kushuka Picha ni kutoka maktaba ya Sibuka

“Pamoja na kwamba maandiko matakatifu yanasema kuwa mkamate sana elimu usimwache aende zake mshike maana yeye ni uzima wako Mithali 4:13 lakini wazazi wameendelea kuwa vikwazo kwa wanafunzi kutimiza ndoto zao”.

Na, Daniel Manyanga

Wanafunzi 213 walifanya mtihani wa kumaliza elimu ya msingi kwa mwaka wa masomo 2024 waliandika majibu siyo sahihi ili kufeli mtihani wa taifa kulingana na maagizo ya wazazi wao ya kuandika majibu yasiyo sahihi hivyo kuchangia kushuka kwa ufaulu kutoka asilimia 80.12 hadi asilimia 76.01 katika watahiniwa 38171 na kufaulu 29012  mkoani Simiyu.

Akizungumza kwenye kikao cha kamati ya ushauri mkoa wa Simiyu (RCC), Khalifa Shemahonge afisa elimu mkoa huo amesema kuwa walifanya utafiti kwa wanafunzi 255 ambao walikuwa wanafanya vizuri katika mitihani ya ndani ya mkoa lakini katika mtihani wa taifa waliweza kufeli licha ya kuwa na uwezo kufaulu.

Sauti ya afisa elimu mkoa wa Simiyu, Khalifa Shemahonge akielezea sababu zilizochangia ufaulu kushuka kwa wanafunzi wa darasa la saba

Wakizungumza katika kikao cha kamati ya ushauri mkoa wa Simiyu,Njalu Silanga mbunge wa jimbo la Itilima  na Leah Komanya mbunge wa jimbo la Meatu walihoji kwa nini ufaulu umeshuka katika kipindi cha miaka minne licha ya kuweka miundombinu rafiki ya kupandisha ufaulu mkoani hapo ikiwemo kuanzishwa kwa makambi kwa madarasa ya mitihani.

Sauti za wabunge Njalu Silanga na Leah Komanya wakitaka kujuwa ni sababu zipi zilizopelekea ufaulu kushuka licha ya kuweka miundombinu rafiki ya kupandisha ufaulu
Kwenye picha aliyesimama ni mkuu wa mkoa wa Simiyu, Kenani Kihongosi akizungumza katika kikao cha kamati ya ushauri mkoa juu ya kushuka kwa ufaulu na kutoa maagizo kwa katibu tawala mkoa Picha ni kwa hisani ya ofisi ya mkuu wa mkoa

Mkuu wa mkoa wa Simiyu,Kenani Kihongosi akatoa maagizo kwa katibu tawala mkoa huo,Prisca Kayombo ya kuwaandika barua idara ya elimu ya kueleza kwa nini ufaulu umeshuka ili hatua sitahiki ziweze kuchukuliwa.

Sauti ya mkuu wa mkoa wa Simiyu, Kenani Kihongosi akitoa maagizo kwa katibu tawala mkoa huo, Prisca Kayombo kuwaandika barua ya kujieleza juu ufaulu kushuka
Picha katika matukio mbalimbali zikionesha wajumbe wakifuatilia kikao cha kamati ya ushauri mkoa wa Simiyu (RCC) Picha ni kwa hisani ya ofisi ya mkuu wa mkoa