Sibuka FM
  Stream radio
Menu
Sibuka FM
  2. Nishati
  3. DC Kaminyoge aongoza wananchi wa Isageng’he kupanda miti

DC Kaminyoge aongoza wananchi wa Isageng’he kupanda miti

10 December 2024, 12:15 pm

Kwenye picha ni mkuu wa wilaya ya Maswa, Aswege Kaminyoge akipanda mti katika kijiji cha Isageng’he ikiwa ni utekelezaji wa maelekezo ya serikali ya awamu ya sita katika kukabiliana na mabadiliko ya tabia nchi Picha na Nicholaus Machunda

“Tanzania siyo kisiwa hivyo hatuwezi kujitenga katika vita ya kukabiliana na mabadiliko ya tabia nchi kama ambavyo dunia inataka ikiwemo matumizi ya nishati safi ya kupikia na upandaji wa miti”.

Na, Nicholaus Machunda

Katika kukabiliana na mabadiliko ya tabia nchi na jangwa jumla  ya  miti  milioni moja  na  laki  tano  inatarajiwa  kupandwa  wilayani  Maswa   mkoani  Simiyu  ili  kurudisha  uoto  wa  asili  katika  maeneo  yaliyopoteza  uoto  ikiwa ni utekelezaji wa maelekezo ya Serikali ya jamhuri  ya muungano wa Tanzania chini ya Rais Mhe.Dkt.Samia Suluhu Hassan ya kupanda idadi ya miti hiyo  kwenye kuadhimisha miaka 63 ya uhuru.

Akizungumza na wananchi wa kijiji cha Isageng’he  kata ya Sukuma mkuu  wa  wilaya  ya  Maswa ,Aswege  Kaminyoge  wakati  wa  zoezi  la  upandaji  wa  miti amesema kuwa  umuhimu wa zoezi hilo ni kurudisha uoto wa asili katika maeneo ambayo  yameshapoteza uoto wa asili ikiwa na lengo la kupambana na mabadiliko ya tabia nchi.

Sauti ya, Aswege Kaminyoge mkuu wa wilaya ya Maswa akizungumza na wananchi wakati wa zoezi la upandaji miti

Aswege Kaminyoge  ameelekeza  kuwa  miche  ya  miti  igawiwe   bure  kwa Wananchi na taasisi ili waweze  kupanda  miti  na kufikia  lengo  la  kupanda  miti  zaidi  ya  milioni moja na laki tano kwa  mwaka  huu  2024/ 2025 kama maelekezo ya serikali ya jamhuri ya muungano wa Tanzania.

Sauti ya mkuu wa wilaya ya Maswa, Aswege Kaminyoge akitoa maelekezo ya kugawa miche ya miti kwa wananchi na taasisi ili kufanikisha zoezi hilo la upandaji miti

Duttu  Lubinza  ni afisa  maliasili na mazingira  halmashauri  ya wilaya ya  Maswa  amesema  kuwa  halmashauri  inamkakati  wa  kuhakikisha  wanasambaza  miti  kila  maeneo  ili kurahisisha  upatikanaji  wa  miche  ya  miti  hiyo.

Sauti ya afisa maliasili na mazingira wilaya ya Maswa ,Duttu Lubinza akielezea mpango mkakati wa kuweza kupanda miti milioni moja na laki tano

Nao baadhi ya wananchi  wa  kijiji  cha  Isageng’he  waliojitokeza  kushiriki  zoezi  la  upandaji  wa  miti  wameshukuru  uongozi  wa  wilaya  kwa  kuhamasisha   zoezi  hilo  huku  wakiahidi  kuitunza  ili  isiharibiwe  na  Mifugo.

Sauti za wananchi walijitokeza katika zoezi la upandaji miti wakipongeza juhudi za makusudi za kurejesha uoto wa asili
Kwenye picha ni mmoja wa wananchi katika kijiji cha Isageng’he akipanda mti katika kukabiliana na mabadiliko ya tabia nchi Picha na Nicholaus Machunda