Sibuka FM
  Stream radio
Menu
Sibuka FM
  2. Afya
  3. Bil 2.9 zatolewa na serikali kukarabati chuo cha maafisa tabibu Maswa

Bil 2.9 zatolewa na serikali kukarabati chuo cha maafisa tabibu Maswa

1 December 2024, 11:10 am

Picha ya pamoja ya Wageni waalikwa, Wahitimu na Mgeni rasmi Dkt Godwin Mollel (wa nne kutoka kushoto waliokaa ) katika Sherehe ya Miaka 50 ya kuanzishwa kwake na Mahafali ya 48 ya Chuo cha Maafisa tabibu Maswa Picha na Nicholaus Machunda

Chuo hiki kinaenda kubadilika kabisa na kuwa kipya kwani Rais wenu ametoa Fedha zaidi ya Bilioni 2. 9 ili kufanya Ukarabati wa Miundombinu, Niwahakikishie tu nyie Wahitimu mkirudi hapa Mwezi Juni mwakani mtakuta Mazingira tofauti kabisa, mtatamani mrudi kusoma hapa tena ” Dkt Godwin Mollel Naibu Waziri wa Afya”

Naibu  Waziri  wa  Afya  Dkt  Godwin  Mollel  amesema  kuwa  Serikali  ya  awamu  ya  Sita  chini  ya  Mhe, Dkt  Samia  Suluhu  Hassan   imetoa  Fedha   zaidi  ya Shilingi Bilioni 2. 9  kwa  ajili  ya  Kukarabati  chuo   cha  Maafisa  Utabibu   Kilichopo  Wilayani  Maswa  Mkoani  Simiyu

Dkt  Mollel  amesema  hayo  wakati  wa  Sherehe  za  Miaka  50  ya Kuanzishwa  kwa  chuo hicho  pamoja   na  Mahafali  ya  48  yaliyofanyika  chuoni   hapo   na  kuongeza  kuwa   hadi  kufikia   mwezi  Juni, 2025  Ukarabati  huo  utakuwa  Umekamilika

Sauti ya Dkt Godwin Mollel Naibu Waziri wa Afya

Akimkaribisha  Mgeni  rasmi  ambaye  ni  Naibu  Waziri  wa  Afya, Mkuu  wa   Wilaya  ya  Maswa   Mh  Aswege   Kaminyoge  amesema  kuwa  kumekuwepoo  na  Mapinduzi  Makubwa  katika  Sekta  ya  Afya  ambapo  wa  sasa  Wilaya  ina  Vituo  vya  Afya 6  ikilinganishwa  na  hapo  awali   kabla  ya  Rais  Samia   hajaingia  Madarakani kulikuwa  na   Vituo  vya  Afya  3  tu.

Sauti ya Aswege Kaminyoge Mkuu wa Wilaya ya Maswa

Awali  akitoa  Risala  kwa  Mgeni  rasmi,   Mkuu  wa  Chuo  cha  Maafisa  Tabibu   Dr  Hangwa  Enos  Hangwa    amesema  kuwa   kuwekuwepo  na  Changamoto  ya  Uchakavu  wa  Miundo mbinu  ya   Majengo  hivyo  kuiomba  Serikali  kukiboresha  Chuo  hicho

Sauti ya Dr Hangwa Enos Hangwa Mkuu wa Chuo cha Maafisa tabibu Maswa

Baadhi  ya  Wazazi  walioshiriki  sherehe  hiyo ya  Miaka  50  ya  kuanzishwa  kwa  chuo  na  Mahafali  ya  48   wamemshukuru   Mh  Rais  kwa  kutoa  Fedha  hizo kwa  ajili  ya  Ukarabati  ili  kiendane  Mazingira  ya  sasa

Sauti ya Baadhi ya Wazazi waliohudhuria Mahafali ya chuo hicho
Picha ni Wahitimu ngazi ya Stashahada katika Chuo cha Maafisa tabibu Maswa Utabibu