Sibuka FM
  Stream radio
Menu
Sibuka FM
  2. News
  3. Simbachawene hakuna rushwa kubwa wala ndogo wote wanamakosa

Simbachawene hakuna rushwa kubwa wala ndogo wote wanamakosa

12 June 2025, 5:42 pm

Kwenye picha ni muonekano wa nje wa jengo la ofisi za PCCB mkoa wa Simiyu lililojengwa kwa zaidi ya milioni mianne Picha kutoka maktaba ya Sibuka Fm

“Rushwa ni adui wa haki na maendeleo kahuna rushwa kubwa wala ndogo nendeni tukawahudumia wananchi walio na changamoto za kunyanyaswa na watu wanaotumia madaraka kwa kuwakandamiza watu ambao walitakiwa wapewe haki hakuna aliye mkubwa zaidi ya sheria na katiba ya nchi”.

Na, Daniel Manyanga 

Katika kuhakikisha vitendo vya rushwa vinapungua na hata kumaliza kabisa hapa nchini Waziri wa nchi, ofisi ya Rais, menejimenti ya utumishi wa umma na utawala bora,George Simbachawene, ameitaka taasisi ya kuzuia na kupambana na rushwa nchini (TAKUKURU) kuweka jitihada kubwa katika mapambano ya rushwa za aina zote bila kujali kubwa au ndogo ili kuwaondolea kero wananchi zinazosababishwa na vitendo vya rushwa.

Kwenye picha ni Waziri wa nchi ,Ofisi ya Rais,menejimenti ya utumishi wa umma na utawala bora, George Simbachawene akizungumza jambo wakati wa uzinduzi wa jengo la ofisi za PCCB mkoa wa Simiyu Picha kutoka maktaba ya Sibuka Fm

Simbachawene ametoa maagizo hayo wakati akizungumza kwenye hafla ya uzinduzi wa jengo la TAKUKURU mkoa wa Simiyu na kusisitiza kuwa ni muhimu taasisi hiyo ikavishughulikia vitendo vyote vya rushwa ambavyo vinasababisha wananchi kushindwa kupata haki zao kutokana na wachache kutokuwa waaminifu au kutumia vyeo vyao,ukubwa wao na umaarufu wao kukandamiza haki za wengine.

Sauti ya , George Simbachawene akizungumza wakati wa uzinduzi wa jengo

Awali akitoa taarifa juu ya ujenzi wa jengo hilo, mkurugenzi mkuu wa TAKUKURU ,Crispin Chalamila ametaja  gharama zilizotumika katika ujenzi huo, huku mkuu wa TAKUKURU mkoa wa Simiyu, Manyama Tungaraza akieleza litakavyosaidia kuongeza ufanisi katika utendaji wa taasisi hiyo mkoani Simiyu.

Sauti ya mkurugenzi wa TAKUKURU nchini na Kamnda wa TAKUKURU mkoa wa Simiyu wakati wa uzinduzi wa jengo
Kwenye picha ni kamanda wa TAKUKURU mkoa wa Simiyu, Manyama Tungaraza akizungumza jambo wakati wa uzinduzi wa jengo la PCCB mkoa Picha kutoka maktaba ya Sibuka Fm

Kwa upande wake mkuu wa mkoa wa Simiyu ,Kenani Kihongosi, ameeleza kulidhishwa na utendaji wa TAKUKURU mkoani Simiyu, huku mwenyekiti wa CCM mkoa wa Simiyu, Shemsha Mohammed, akiomba kesi za TAKUKURU kuendeshwa kwa uharaka ili kuwasaidia wananchi kupata haki zao hivyo kuondoa mianya ya rushwa kwa wale wanataka kununua haki.

Sauti ya mkuu wa mkoa wa Simiyu, Mwenyekiti wa CCM mkoa wakizungumza jambo wakati wa uzinduzi wa jengo la PCCB
Picha za pamoja nikionesha viongozi mbalimbali wa kitaifa,kimkoa na wageni waalikwa wakifuatilia uzinduzi wa jengo la PCCB mkoa wa Simiyu Picha kutoka maktaba ya Sibuka Fm