Sibuka FM
  Stream radio
Menu
Sibuka FM
  2. News
  3. Wananchi wa Mwamashindike walia na ubovu wa barabara

Wananchi wa Mwamashindike walia na ubovu wa barabara

24 May 2025, 8:25 pm

Kwenye picha aliyesimama ni mkuu wa wilaya ya Maswa,Dkt.Vicent Anney akizungumza na wananchi wakati wa mkutano wa hadhara wa kusikiliza kero na kuzitafutia ufumbuzi Picha na Nicholaus Machunda

“Sekta ya miundombinu ya barabara ni Moja kati ya ajenda muhimu Sana kwa ustawi wa jamii yetu maana ndiyo inayotumika kusafirishia mazao mbalimbali kutoka huko kijijini kuja sehemu za masoko lakini ikitaka kufungua uchumi wako lazima Kwanza ufungue barabara zako ziweze Kupitia kwa urahisi na muda wote”.

Na, Daniel Manyanga 

Mkuu wa wilaya ya Maswa mkoani Simiyu,Dkt.Vicent Anney amewataka wakala wa barabara za mjini na vijijini (TARURA) wilayani hapo kutafuta namna nyingine ya kutengeneza barabara ya kijiji cha Mwamashindike kata ya Mwabalatulu ili iweze kupitika kwa urahisi kwa wananchi wakati wakiwa wanasubiri bajeti kubwa kutokana na uharibifu mkubwa wa barabara hiyo.

Muonekano wa picha wa mkuu wa wilaya ya Maswa,Dkt.Vicent Anney mwenye kaunda suti aliyesimama akizungumza na wananchi kwenye mkutano wa hadhara Picha na Nicholaus Machunda

Mkuu huyo wa wilaya ,Dkt.Anney ameyasema hayo wakati wa mkutano wa hadhara na wananchi wa kijiji hicho wa kusikiliza kero mbalimbali na kuzitafutia ufumbuzi ambapo wananchi wakaibua hoja ya barabara hiyo kuwa mbovu kwa muda mrefu hivyo kushindwa kuitumia katika shughuli za uzalishaji.

Sauti ya mkuu wa wilaya ya Maswa,Dkt.Anney akitoa maelekezo kwa TARURA ya kutafuta namna bora ya kutengeneza barabara hiyo wakati wakiwa wanasubiri bajeti kubwa kutokana na uharibifu mkubwa

Awali Renard Masanja, Yunus Bukundi na Sanga Salum wakiwa katika mkutano huo wa hadhara wamesema kwasasa wanatumia muda mrefu kufika maeneo mengine kutokana na ubovu wa barabara hali ambayo inawalazimu kuzunguka kupitia vijiji vya Budekwa na Kiloleli hivyo kushindwa kuzifikia huduma za kijamii kwa wakati pale wanapokuwa wanahitaji huduma hizo

Sauti ya wananchi wa kijiji hicho wakielezea namna ambavyo barabara hiyo imekuwa kikwazo kikubwa kwao wakati wakihitaji huduma za kijamii

Akijibia changamoto hiyo ya barabara kaimu meneja TARURA wilayani hapo, Edward Jinayi amesema kuwa barabara hiyo ina mito mingi hali iliyopelekea kuomba kibali maalum kutokana na  gharama zake za matengenezo  kuwa kubwa hali iliyopelekea kuchelewa kwa ukarabati huo.

Sauti ya kaimu meneja TARURA wilaya ya Maswa, Mhandisi Edward Jinayi akielezea sababu za kuchelewa kwa ukarabati wa barabara hiyo