Sibuka FM
  Stream radio
Menu
Sibuka FM
  2. Uhalifu
  3. Binadamu waathiri pori la akiba Kijereshi

Binadamu waathiri pori la akiba Kijereshi

7 January 2025, 8:34 pm

Pichani ni afisa mhifadhi mwandamizi wa pori la akiba la Kijereshi kutoka mamlaka ya usimamizi wa wanyamapori Tanzania (TAWA), Rogathe Wado Picha ni kutoka maktaba ya Sibuka fm

“Shughuli za kibinadamu ni changamoto nyingine katika kuhifadhi mapori ya akiba tunakila sababu jamii kwa ujumla kushiriki kikamilifu katika kulinda tuzu zetu”.

Na, Daniel Manyanga

Wananchi waishio pembezoni mwa pori la akiba Kijereshi lililopo katika wilaya za Bariadi na Busega mkoani Simiyu, wametakiwa kuacha uvamizi na kufanya shughuli mbalimbali za kibinadamu ikiwemo malisho ya(Kuchungia) mifugo, kukata miti, kulima na uwindaji haramu katika eneo la hifadhi ya pori hilo kwani kufanya hivyo ni kuenenda kinyume cha sheria za uhifadhi hapa nchini.

Kwenye picha ni muonekano wa shughuli mojawapo za kibinadamu zinavyoharibu uhifadhi wa pori la akiba la Kijereshi Picha kutoka maktaba ya Sibuka fm

Rai hiyo imetolewa na afisa mhifadhi mwandamizi wa pori la akiba la Kijereshi kutoka mamlaka ya usimamizi wa wanyamapori Tanzania (TAWA) ,Rogathe Wado wakati akizungumza na viongozi mbalimbali wa maeneo yanayozunguka pori hilo, walipotembelea eneo hilo kwa lengo la kuhamasisha utalii wa ndani  na kuzitaja shughuli mbalimbali zinazofanywa katika pori hilo ambazo zipo kinyume cha sheria,kanuni na taratibu za mamlaka ya uhifadhi hapa nchini.

Sauti ya mhifadhi mwandamizi kutoka mamlaka ya usimamizi wa wanyamapori (TAWA), Rogathe Wado akielezea namna ambavyo shughuli za kibinadamu zinavyoathiri hifadhi hiyo

Akizungumza na Sibuka fm redio mkuu wa kituo cha polisi Lamadi,Mrakibu wa polisi,Emmanuel Shani  amewataka wananchi waishio pembezoni mwa maeneo ya hifadhi kutoa taarifa za vitendo vya uvamizi hifadhini ili kupambana na watu hao wasiokuwa na nia njema katika kutunza hifadhi hiyo.

Sauti ya mkuu wa kituo cha polisi Lamadi ,Mrakibu wa polisi , Emmanuel Shani akiwataka viongozi kuwa msitari mbele kulinda hifadhi hiyo

Magreth Izengo, Edward Ochogo na Haji Malongo  ni baadhi ya viongozi wa maeneo yanayozunguka pori la akiba la Kijereshi wakaeleza namna  watakavyoshirikiana na mamlaka za uhifadhi katika  kukabiliana na tatizo  la uvamizi wa pori hilo.

Sauti ya viongozi wanaozunguka maeneo ya mpakani na hifadhi wakielezea namna watakavyoshirikiana na mamlaka husika Ili kulinda pori la akiba la Kijereshi
Muonekano wa mnyama Chui akiwa katika pori la akiba la Kijereshi Picha ni kutoka maktaba ya Sibuka fm