Sibuka FM
  Stream radio
Menu
Sibuka FM
  2. Uchaguzi
  3. RC Kihongosi achukizwa na siasa za chuki kwa vyama vya siasa

RC Kihongosi achukizwa na siasa za chuki kwa vyama vya siasa

19 November 2024, 3:36 pm

Pichani ni mkuu wa mkoa wa Simiyu, Kenani Kihongosi akizungumza na wananchi katika mwendelezo wa ziara ya kusikiliza kero mbalimbali za wananchi na kuzitafutia ufumbuzi Picha kutoka maktaba ya Sibuka Fm

“Nchi yetu inafata misingi ya kidemokrasia hivyo linapofika swala la uchaguzi hatutaki siasa za chuki ambazo zitaliingiza Taifa kwenye migogoro ya kisiasa  ambayo ni adui wa maendeleo ya wananchi.” 

Na, Daniel Manyanga 

Mkuu wa mkoa wa Simiyu, Kenani Kihongosi amevitaka vyama vya siasa mkoani humo kufanya siasa safi na za kistaarabu wakati wa kampeni za uchaguzi wa serikali za mitaa utakaofanyika mwishoni mwa mwezi huu.

Kihongosi ameyasema hayo wakati akizungumza na wanachama wa chama cha demokrasia na maendeleo (CHADEMA) wilayani Itilima na kuongeza kuwa hataki kuona siasa za chuki katika mkoa huo wakati wa uchaguzi na baada ya uchaguzi hivyo siasa za chuki hazina nafasi kwa mustakabali wa Taifa letu.

Sauti ya mkuu wa mkoa wa Simiyu , Kenani Kihongosi akizungumza na wanachama wa chama cha demekrasia na maendeleo kuelekea uchaguzi wa serikali

Kenani Kihongosi amewataka wagombea wa vyama vya siasa kuhakikisha wanafanya kampeni za kistaarabu bila kudharauliana kwa kuomba kura na kusubiri matokeo yatakayo tangazwa na msimamizi wa uchaguzi wa eneo husika.

Sauti ya RC Kihongosi akikemea siasa za chuki kwa baadhi ya wanasiasa wanalenga kuendesha kampeni za chuki dhidi ya wananchi

Mkuu wa mkoa Simiyu yupo kwenye ziara ya kata kwa kata ndani ya halmashauri zote za mkoa huo kwa lengo la kusikiliza kero za wananchi na kuzitafutia ufumbuzi.