Wenyeviti wa vitongoji Mamlaka ya Mji Maswa  waapishwa, tayari kwa majukumu

28 November 2024, 7:34 pm

Niwapongeze kwa Ushindi mliopata hivyo saivi ni Wenyeviti wa Vitongoji rasmi, Nendeni mkawatumikie Wananchi kwani wanachangamoto nyingi katika maeneo yao – DED Maswa Maisha Mtipa https://maswadc.go.tz/

Jumla  ya  Wenyeviti  wa  Vitongoji  40  kutoka  kata  Nne  zinazounda  Mamlaka  ya  Mji   Mdogo Katika  Halmashauri  ya  Wilaya  ya  Maswa  Mkoa  wa  Simiyu  Wameapishwa  rasmi  kwa  ajili  ya  kwenda  kuwatumikia  Wananchi   baada  ya  Kumalizika  Uchaguzi  wa  Serikali  za   Mitaa  uliofanyika   Nov, 27, 2024.

Akiwaapisha  Wenyeviti   hao,  Hakimu  Mfawidhi  Mahakama  ya  Wilaya  ya  Maswa  Mhe  Enos  Sylvester  Misana amesema  kuwa  ni  Vizuri  wakatunza   na  kutekeleza  Viapo  vyao    kwani  nafasi  walizo nazo  ni  kubwa  na  Muhimu  kwa  Maslahi  ya  Wananchi.

Akitoa  Nasaha  kwa  Wajumbe  hao  wanaunda   Baraza  la  Mamlaka  ya  Mji  mdogo  Maswa , Mkurugenzi  Mtendaji  wa  Halmashauri  ya  Wilaya  ya  Maswa   Ndugu  Maisha  Mtipa  amesema kuwa  Wananchi  wanachangamoto  nyingi  katika  Maeneo  yao  hivyo  Wakasaidie  kutatua   changamoto  hizo  au  kuzifikisha  ngazi  za  juu  kwa  ajili  ya  utatuzi  zaidi

Mtipa  ameongeza  kuwa  baada  ya  kuapishwa  sasa  wakafanye  kazi  za  Kuwahudumia  Wananchi   Pamoja  na  Usimamizi  wa  Miradi  ya  Maendeleo  inayotekelezwa  katika  ngazi  za  Vijiji  na  Vitongoji   na  kusimamia  Ukusanyaji  wa  Mapato  ili  Mipango  yote  ya  Maendeleo  iweze kutekelezeka  kwa  Wakati.

Sibuka  FM  imezungumza  na  baadhi  ya  Wenyeviti  wa  Vitongoji  walioapa  na  kusema  wataenda kutatua changamoto za Wananchi na   kutekeleza  Vipao mbele  vyote   walivyoahidi  wakati  wa   Kampeni  za  Uchaguzi  wa  Serikali  za  Mitaa