Sibuka FM
  Stream radio
Menu
Sibuka FM
  2. Afya
  3. 2900 wapata huduma ya utengamao mkoani Simiyu

2900 wapata huduma ya utengamao mkoani Simiyu

18 December 2024, 9:07 pm

Kwenye picha ni muonekano wa nje wa jengo la wagonjwa wa nje katika hospitali ya rufaa ya mkoa wa Simiyu Picha kutoka maktaba ya Sibuka fm

“Kupatikana kwa huduma ya utengamao katika hospitali ya rufaa ya mkoa wa Simiyu kumepunguza gharama na muda kwa wananchi waliokuwa wanafuata huduma hiyo jijini Mwanza.”

Na, Daniel Manyanga

Zaidi ya wananchi  2900 mkoani  Simiyu wamenufaika na huduma za utengamao kwenye  hospitali ya rufaa ya mkoa (Nyaumata)ambapo  awali  walilazimika kuzifuata  huduma hiyo hospitali ya rufaa kanda ya ziwa (Bugando) jijini Mwanza ambapo walitumia gharama kubwa na muda mrefu

Pichani ni baadhi vifaa(Viungo) bandia vinavyopatikana katika hospitali ya rufaa ya mkoa wa Simiyu tayari kuwahudumia wananchi wenye uhitaji Picha na Anitha Balingilaki

Akizungumza na waandishi wa habari mratibu wa huduma za tiba kutoka hospitali ya rufaa ya mkoa Dkt.Juma Muna amesema kuwa tayari kwenye  hospitali hiyo kuna karakana kwa ajili ya kutengeneza viungo tiba pamoja na  huduma ya vifaa tiba saidizi.

Sauti ya mratibu wa huduma za tiba hospitali ya rufaa ya mkoa wa Simiyu,Dkt.Juma Muna akielezea namna ambavyo wananchi wameanza kunufaika na huduma hiyo

Dkt.Hawa Otimong mkuu wa idara ya utengamao hospitali ya rufaa ya mkoa wa Simiyu amesema awali wagonjwa waliohitaji vifaa bandia walitakiwa kupewa rufaa ya kwenda hospitali ya rufaa kanda ya ziwa (Bugando) jijini Mwanza ambapo walitumia gharama kubwa na muda mrefu.

Sauti ya mkuu wa idara ya utengamao hospitali ya rufaa ya mkoa wa Simiyu,Dkt.Hawa Otimong akizungumzia gharama na muda ambao walikuwa wanaotumia wananchi kufuata huduma hiyo hospitali ya rufaa kanda ya ziwa Bugando

James Sitta na Happiness Juma ni baadhi ya wazazi ambao watoto wao wamepatiwa  huduma kwenye hospitali hiyo wamekiri watoto wao kuendelea vizuri kiafya.

Sauti ya wananchi wakielezea furaha yao baada ya watoto wao kupata huduma ya utengamao na hali zao zikiwa zinaendelea vizuri