Sibuka FM
  Stream radio
Menu
Sibuka FM
  2. Maji
  3. Bilioni 440 kumtua mama ndoo kichwani Simiyu

Bilioni 440 kumtua mama ndoo kichwani Simiyu

6 November 2024, 5:48 pm

Pichani ni muonekano wa ziwa Victoria ambalo ni chanzo kikuu cha mradi wa maji safi na salama katika mkoa wa Simiyu Picha kutoka maktaba ya Sibuka

“Uhai ni maji na wanasayansi wanasema robo tatu ya dunia na mwili wa binadamu ni maji kwa kulitambua hilo wananchi waipongeza serikali kwa miradi ya maji”.

Na, Daniel Manyanga

Wananchi mkoani Simiyu wanaopata maji kwa kusuasua kutokana na kukosa vyanzo  vya uhakika vya maji wameridhishwa na maendeleo ya ujenzi wa tenki  katika mradi wa maji wa ziwa Victoria unaogharimu kiasi cha shilingi  bilioni 440 na hivyo kunufaisha wananchi wa mkoani hapo.

Hatua hiyo imekuja mara baada ya bodi ya wakurugenzi ya mamlaka ya maji safi na usafi wa mazingira  mjini Bariadi (BARUWASA) kufanya ukaguzi na kujionea maendeleo ya ujenzi wa matenki makubwa yanayohifadhi jumla ya lita milioni tano  kufikia hatua ya umaliziaji kwa ajili ya usambazaji wa mabomba kuunganisha huduma hiyo.

Sauti ya wananchi wakieleza matumaini yao ujio wa mradi wa maji ya ziwa Victoria

Mhandisi  Musalika Masatu ni mkurugenzi wa mamlaka ya maji na usafi wa mazingira mji wa Bariadi  (BARUWASA) amesema kuwa kukamilika kwa mradi huo kutaenda kuongeza upatikanaji wa huduma ya maji safi na salama kwa wananchi mjini hapo

Sauti ya mkurugenzi mtendaji wa mamlaka ya maji na usafi wa mazingira mjini Bariadi akielezea hali ya upatikanaji wa maji hivi sasa.

Melkizedeck Humbe ni mwenyekiti wa bodi ya wakurugenzi ya mamlaka ya maji safi na usafi wa mazingira mjini Bariadi (BARUWASA) hapa akatoa maelekezo haya.

Sauti ya mwenyekiti wa bodi ya wakurugenzi ya mamlaka ya maji mjini Bariadi akitoa maelekezo kwa mkandarasi

Mradi wa maji ya ziwa Victoria utahudumia wilaya za Busega,Bariadi,Maswa,Itilima na Meatu pale utakapokamilika.