Mke amtelekezea watoto wanne mme wake baada ya kupofuka

26 October 2024, 9:00 am

Changamoto ya wanawake kuishi na waume zao wanapopata changamoto za kidunia imekuwa ikishamili kwa maeneo mengi nchini, ambapo mala nyingi wamekuwa wakidai hawawezi kamwe kuishi na wanaume wasio na uwezo wa kutafta pesa.

Na;Emmanuel Twimanye

Mwanamke mmoja  katika  Kijiji cha Nyamililo Wilayani  Sengerema Mkoani Mwanza  amedaiwa   kutelekeza  watoto wake wanne baada ya mme wake kupata ulemavu wa macho.

Akizungumzia kisa hicho Baba wa familia hiyo Mussa Ramadhani amesema kuwa  baada ya kupata ulemavu wa macho  ndipo mke wake akawatelekeza watoto na kutokomea kusikojulikana hali inayomlazimu kuishi  katika maisha magumu  na watoto ikiwemo kulala njaa kwa kukosa chakula huku akiwaomba wasamalia wema kumsaidia kwa chochote.

Mtoto  Junior Mussa Ramadhani anayemtembeza  Baba yake mjini Sengerema kwa ajili ya kuomba msada kwa wasamalia wema ili wapate chakula ameiomba serikali kuwasaidia mtaji ili wafanye biashara itakayowawezesha kuendesha familia .

Baadhi ya wananachi wamesikitishwa na kitendo cha mwanamke kutelekeza familia baada ya mme wake kupata ulemavu wa macho na kuwaomba wanawake kuwa wavumilivu katika ndoa zao .

Naye mratibu wa Dawati la Jinsia na watoto Wilayani Sengerema  Mponela Malongo  ameahidi  kuisaidia familia hiyo huku akiwaomba wanawake kuwa wavumilivu katika ndoa zao katika nyakati za shida na raha.