Sengerema FM
  Stream radio
Menu
Sengerema FM
  2. elimu
  3. Vijana watakiwa kuchangamkia nafasi za uongozi serikali za mitaa

Vijana watakiwa kuchangamkia nafasi za uongozi serikali za mitaa

28 October 2024, 10:48 am

Sir.Muron Mwita akizungumza na vijana pamoja na wanafunzi shule ya Sekondari Kilabela.Picha na Elisha Magege

Vijana wengi nchini wamekuwa na tabia ya kuacha kuomba nafasi za uongozi ngazi za serikali za mitaa jambo linalo tajwa kurudisha nyuma maendeleo ya vijiji na mitaa nchini.

Na;Elisha Magege

Vijana nchini wametakiwa kuchangamkia fursa za kugombea uongozi uchaguzi serkali za mitaa unaotarajiwa kufanyika novemba 27 mwaka huu.

Rai hiyo imetolewa na kijana mzalendo Sir.Muron Mwita katika mahojiano maalumu na Radio Sengerema ambapo amesema kumekuwepo na kasumba ya vijana kutokuchangamkia nafasi za uongozi ngazi za mitaa na vijiji huku wakiamini ni kazi za wazee.

Sauti ya kijana mzalendo Sir.Muron Mwita akizungumzia uongozi serikali za mitaa

Katika hatua nyingine Sir.Mwita amesema vijana wanatakiwa kuungana na kushirikiana kutatua changamoto zilipo kwenye jamii huku akiwataka vijana kuwekeza katika elimu pia wajitokeza bila kuogopa walioko mbele walivyo na nguvu kiuchumi.

Sauti ya kijana mzalendo Sir.Muron Mwita akiwataka vijana kuungana ili kufanikisha kiuongozi

Aidha Diwani wa kata ya Tabaruka Mh. Sospiter Simon Busumabhu amesema vijana wakiamua wanaweza huku akitoa mfano yeye alivyoweza kupata nafasi ya uongozi akiwa kijana mdogo na masikini.

Sauti ya Diwani wa kata ya Tabaruka Mh. Sospiter Simon Busumabhu akizungumzia uongozi kwa vijana

Hata hivyo Sir.Mwita amesema kuwa Tanzania ni nchi yenye mfumo wa vyama vingi, hivyo ni wakati wa vijana kutambua fursa za vyama vilivyopo nchini.