Sengerema FM
  Stream radio
Menu
Sengerema FM
  2. elimu
  3. CCM Sengerema yaagiza kuchukuliwa hatua wazazi wasiopeleka watoto shule

CCM Sengerema yaagiza kuchukuliwa hatua wazazi wasiopeleka watoto shule

4 February 2025, 7:08 pm

Katibu wa CCM Wilaya ya Sengerema wa kwanza kulia aliyevaa nguo za Chama Cha Mapinduzi Bi. Waridi Josephat akiwa na viongozi wengine wa chama hicho wakikagua miradi. Picha na Jovna George

Kuelekea maadhimisho ya miaka 48 ya Chama Cha Mapinduzi (CCM) viongozi wa chama hicho maeneo mbalimbali nchini wamefanya matukio tofautitofauti ikiwemo kukagua miradi ya maendeleo na matendo ya hisani kama vile kuchangia damu na kufanya usafi mahospitalini.

Na; Jovna George

Katibu wa chama cha mapinduzi (CCM) Wilayani Sengerema amemuagiza afisa mtendaji wa kata ya Chifunfu kuhakikisha anawachukulia hatua kali wazazi ambao wameshindwa kuwapeleka watoto shuleni.

Hayo yamejili mara baada ya kubainika kuwa zaidi ya wanafunzi 129 bado hawajaripoti katika shule ya Sekondari Bungumbikiso iliyopo kata ya Chifunfu Wilayani Sengerema Mkoani Mwanza waliochanguliwa kujiunga na kidato cha kwanza katika shule hiyo.

Katibu wa Chama cha Mapinduzi Ccm Wilayani Sengerema    Bi Waridi Josephat ametoa maagizo hayo wakati wa kufanya ukaguzi wa miradi 3 ndani ya kata ya chifufu   katika kuelekea sherehe ya miaka 48 ya kuzaliwa kwa chama hicho na kusema kuwa kutokana na idadi kubwa ya wanafunzi ambao hawajalipoti shule iko haja ya hatua zaidi kuchukuliwa dhidi ya wazazi na walezi ili kuhakikisha wanalipoti kabla ya Februari 8 mwaka huu.

Sauti ya katibu wa CCM Sengerema na viongozi wa kata ya chifunfu

Awali akisoma taarifa   mkuu wa Sekondari Bugumbikiso mwl  Shadrack shing’oma mbele ya katibu wa chama cha mapinduzi ccm wilayani sengerema amesema katika shule  hiyo jumla ya wanafunzi 288 walipangiwa kuripoti na hadi sasa waliolipoti ni wanafunzi 169 huku akieleza wananfunzi wengine 30 wamepewa uhamisho wa kuhamia shule  ya Sekondari Chifufu.

Sauti ya Mkuu wa Shule ya Sekondari Bugumbikiso Mwl.Shadrack shing’oma akitoa taarifa ya maendeleo ya shule hiyo

Katika hatua nyingine katibu wa ccm wilaya amekagua kituo cha afya cha Ngomamtimba na kubaini   changamoto zilizopo katika kituo   na kuahidi serikali ya ccm kuzifanyia kazi.

Sauti ya katibu wa CCM wilaya ya Sengerema Bi Waridi Josephat akikagua mradi wa kituo cha afya Ngomamtimba

Jumla ya miradi 3 ya kata ya Chifufu imekaguliwa na katibu wa chama cha mapinduzi ccm ikiwa ni kuelekea katika sherehe ya kuzaliwa kwa chama cha hicho.