Moto wazuka na kuteketeza vitu vya ndani mjini Sengerema

6 October 2024, 5:05 pm

Matukio ya moto kuzuka gafla kwenye nyumba za watu wilayani Sengerema imekuwa ikijitokeza mara kwa mara ambapo jeshi la zimamoto na uokoaji limeendelea kutoa tahadhali kwa wananchi wilayani hapo.

Na;Emmanuel Twimanye

Moto  umezuka  ghafla  na kuteketeza vitu mbambali ikiwemo  magunia ya mpunga  ,  vitanda   na magodoro  katika nyumba ya mkazi mmoja wa mtaa wa Geita Road kata ya Nyatukala    Wilayani Sengerema  Mkoani Mwanza,huku chanzo cha moto huo kikiwa bado hakijafahamika .

Akizungumzia tukio hilo Siwema Helman  ambaye ni  mpangaji wa nyumba hiyo amesema kuwa wakati  wakiwa nje ghafla  walisikia watoto wakipiga kelele na walipokwenda kuangalia kwenye chumba cha watoto waliona moshi huku Godoro likiteketea kwa moto.

Baadhi ya wananchi wa  mtaa huo   wamesikitishwa na tukio hilo na kueleza kuwa  baada ya kutokea moto huo  wameshirikiana na Jeshi la zima moto  na uokoaji na kufanikiwa kuzima moto huo  .

Mwenyekiti wa mtaa wa Geita Raod Pelana Bagume    amethibitisha  kutokea kwa tukio hilo  na  kuwaomba wananchi kuhakikisha kila mmoja anakuwa na namba za  jeshi la zima moto ili yanapotokea majanga ya moto    wapate  msaada haraka.   

Mkuu wa Jeshi la Zima moto  na Uokoaji  Wilayani Sengerema  Juma Ngwembe   amewataka wananchi  kuwa makini na moto ikiwa ni pamoja na kutowaruhusu watoto kuchezea  viberiti ili kuepukana na matukio hayo huku akiwashukuru wananchi waliojitokeza kushiriana na jeshi hilo kuzima moto .