Micheweni FM
  Stream radio
Menu
Micheweni FM
  2. UCHUMI
  3. Mbunge Micheweni akabidhi Pikipiki kuwezesha Uchumi

Mbunge Micheweni akabidhi Pikipiki kuwezesha Uchumi

29 September 2026, 12:45 pm

Katibu Mwenezi wa CCM Jimbo la Micheweni, Salimu Jabu Khamis akiwa na baadhi ya viongozi wa jumuiya ya Bodaboda Wilaya ya Micheweni Kwenye makabidhiano ya pikipiki zilizotolewa na Mbunge wa Jimbo la Micheweni  Picha na Essau Kalukubila

Mbunge wa Jimbo la Micheweni atimiza ahadi yake kwa Jumuiya ya Bodaboda ya Jimbo hilo, baada ya kutoa hadi hiyo ya kuwasaidia vijana kuwainua kiuchumi kupitia ukimbizaji Bodaboda

Na Essau Kalukubila.

Mbunge wa Jimbo la Micheweni, Mahesh Shah Bolisha, amekabidhi pikipiki kwa vijana wa jimbo hilo ikiwa ni sehemu ya jitihada za kuwawezesha kiuchumi na kuwasaidia kuongeza kipato kupitia shughuli za usafirishaji.

Akizungumza kwa niaba ya mbunge huyo wakati wa hafla ya makabidhiano, Katibu wa Mbunge wa Jimbo la Micheweni, Amina Ali Haji, amesema mpango huo unalenga kuwawezesha vijana kujiajiri, kujiongezea kipato na kuboresha maisha yao pamoja na familia zao.

Katibu wa Mbunge wa Jimbo la Micheweni, Amina Ali Haji akizungumzia namna pikipiki hizi zilivyopatikana kutoka kwa Mbunge

Naye Katibu Mwenezi wa CCM Jimbo la Micheweni, Salimu Jabu Khamis, amesema utoaji wa pikipiki hizo unaonesha namna mbunge huyo anavyotekeleza Ilani ya Chama Cha Mapinduzi kwa vitendo kupitia miradi inayogusa maisha ya wananchi. 

Katibu Mwenezi wa CCM Jimbo la Micheweni, Salimu Jabu Khamis akizungumzia utekelezaji wa ilani ya CCM

Kwa upande wao, Mwenyekiti wa Bodaboda pamoja na mmoja wa wanachama wa bodaboda katika jimbo hilo wamesema kitendo hicho kimeweka historia Micheweni kwani msaada wa aina hiyo haujawahi kutolewa hapo awali.

Mwenyekiti wa Bodaboda Hamad Abdalla Chande na Mwara Mwalimu Mwara mkimbiaza bodaboda wakipongeza juhudi za mbunge kuwawezesha

Wanufaika wa pikipiki hizo wameahidi kuzitumia kwa malengo yaliyokusudiwa ili kujiongezea kipato, kukidhi mahitaji ya familia zao na kuchangia maendeleo ya uchumi wa Jimbo la Micheweni.