Micheweni FM
  Stream radio
Menu
Micheweni FM
  2. Teknolojia
  3. TCRA yatoa elimu matumizi sahihi ya simu Micheweni

TCRA yatoa elimu matumizi sahihi ya simu Micheweni

27 September 2026, 7:44 pm

Afisa kutoka Mamlaka ya mawasiliano Tanzania (TCRA) Othuman Bakari akitoa mafunzo ya matumizi zahihi ya simu ili kuepuka matapeli mtandaoni picha na Essau Kalukubila

TCRA yatoa elimu kwa wananchi wa Wilaya ya Micheweni yenye lengo la kuongeza uelewa wa wananchi kuhusu matumizi salama ya simu ili kujikinga na utapeli mtandaoni.

Na Essau Kalukubila.

Mamlaka ya Mawasiliano Tanzania, TCRA imetoa elimu kwa wananchi wa Wilaya ya Micheweni Mkoa wa Kaskazini Pemba kuhusu matumizi sahihi na salama ya simu za mkononi ili kujikinga na uhalifu wa mtandaoni.

Akiotoa elimu hiyo Othuman Bakari afisa kutoka  Mamlaka ya mawasiliano Tanzania Ofisi ya Zanzibar amesema kuwa Wananchi wanatakiwa kutunzaji wa namba za siri, kuepuka kutoa taarifa binafsi kwa watu wasiowafahamu pamoja na namna ya kutambua ujumbe na simu za utapeli.

Othuman Bakari afisa kutoka Mamlaka ya mawasiliano Tanzania Ofisi ya Zanzibar

Sambamba na hayo  Sheha wa Shehia ya Mapofu Assa Sharif Khalid na sheha wa Mjanaza Hamad Said Ali wamesema elimu iliotolewa na mamlaka ya mawasiliano Tanzania TCRA itasidia kupunguza  utapeli katika maeneo yao  hali ambayo ilikuwa inawafanya wannchi kushuka kiuchumi wanapo tapeliwa

Masheha wakielezea elimu iliyotolewa na TCRA namna itakavyo wasaidiwa wananchi kutotapeliwa

Nao Baadhi ya wananchi waliopa elimu hiyo  wameishukuru Mamlaka ya mawasiliano Tanzania (TCRA) kwa elimu hiyo ambayo  itawasaidia kutambua mbinu zinazotumiwa na wahalifu wa mtandao kwa kuepuka kutapeliwa

Wananchi wakieleza elimu itakavyo wasaidia kujikinga na kuwalipoti matapeli mtandaoni

TCRA imesema itaendelea kutoa elimu kama hiyo katika maeneo mbalimbali nchini kwa lengo la kuimarisha usalama wa matumizi ya teknolojia ya mawasiliano.