Micheweni FM

Watendaji Halmashauri Micheweni watakiwa kusimamia vyanzo vya mapato

14 November 2026, 7:37 am

Mkuu wa Wilaya ya Micheweni Khati Juma Mjaja akizungumza na madiwani wa Halmasauri ya Wilaya ya Micheweni pamoja na baadhi ya watendaji hawapo pichani kwenye kikao cha roo ya kwanza ya mwaka wa fedha 2026&2027(picha na Mwiaba Kombo

Watendaji wa Halmashauri ya Wilaya ya Micheweni wametakiwa kusimamia ipasavyo vyanzo vya mapato vilivyopo katika wilaya hiyo ili kuhakikisha halmashauri inakusanya mapato kwa kiwango kilichokusudiwa.

Na Mwiaba Kombo

Wito huo umetolewa na Mkuu wa Wilaya ya Micheweni, Khatib Juma Mjaja, wakati wa kikao cha Baraza la Madiwani cha robo ya kwanza ya mwaka wa fedha 2026/2027, kilichofanyika katika ukumbi wa Halmashauri ya Wilaya ya Micheweni.

Aidha, amesema kuwa ushirikiano kati ya watendaji na madiwani ni jambo muhimu katika kuhakikisha vyanzo vya mapato vinasimamiwa vizuri na mapato yanakusanywa kwa ufanisi.

Sauti ya mkuu wa wilaya ya Micheweni Khatib Juma Mjaja

Kwa upande wake, Mwenyekiti wa Halmashauri ya Wilaya ya Micheweni, Masoud Ali Hamad, amesema kuwa dhamira ya kuchaguliwa kuwa madiwani ni kuwatumikia wananchi kwa kuhakikisha wanapata maendeleo kupitia utekelezaji wa miradi mbalimbali huku mkurugenzi Hamad Khatib Saleh, amewataka madiwani kuendelea kushirikiana na watendaji katika kusimamia ukusanyaji wa mapato pamoja na kuhakikisha yanatumika katika kuwaletea wananchi maendeleo.

Sauti ya mwenyekiti wa Halmashauri ya Wilaya ya Micheweni Masoud Ali Hamad pamoja na Sauti ya Mkurugenzi wa Halmashauri ya Wilaya ya Micheweni Hamad Khatib Saleh