Keifo FM
  Stream radio
Menu
Keifo FM
  2. Ulemavu
  3. Mbeya: Wandishi wapigwa msasa habari za wenye ulemavu

Mbeya: Wandishi wapigwa msasa habari za wenye ulemavu

5 October 2026, 2:15 pm

Pichani ni wandishi wa habari nyanda za juu kusini kutoka radio kumi wakisikiliza kwa umakini mafunzo kutoka kwa mwandishi mkongwe hapa nchini Tuma Provian Dandi, Picha na James Mwakyembe

Waandishi wa habari mikoa ya nyanda za juu kusini wametakiwa kujikita zaidi kuandika na kuripoti habari juu ya za watu wenye ulemavu katika mikoa hiyo.

Na James Mwakyeembe

Waandishi wa habari kutoka vituo 10 vya redio nyanda za juu kusini wamepatiwa mafunzo ya kuandika na kuripoti habari za watu wenye ulemavu mkoani mbeya.

Mafunzo hayo yametolewa na wawezeshaji kutoka mtandao wa redio za jamii nchini Tadio yakifadhiriwa na wizara ya mambo ya nje ya nchi ya Finland kupitia mfuko wa maendeleo ya vyombo vya habari Vikes kwa siku mbili ikiwa na lengo la kuwajengea uwezo.

Akizungumza katika mafunzo hayo mhariri mkuu wa jukwaa la habari mtandaoni Hilali Ruhundwa amesema mafunzo hayo yamelenga kuwafanya waandishi wa habari kuandika na kuripoti habari katika maeneo ya vijijini kupitia vituo vyao.

Sauti Ruhundwa kuhusu lengo la mafunzo 11

Aidha Ruhundwa ameongeza kuwa wanatarajia kuona vyombo hivyo vya habari vikiendelea kukua na kutumia jukwaa hilo kwa vitendo hasa kwa kupakia habari kupitia teknolojia hiyo mpya pamoja na kuona waandishi wanaendana na kasi ya mabadiliko ya teknolojia duniani.

Sauti Ruhundwa kuhusu mabadiliko kwa wandishi 22
Pichani ni mhariri mkuu wa radio portal Hilali Ruhundwa akiwa katika wasilisho kwa wandishi wa habari nyanda za juu kusini yaliyofanyika jijini Mbeya picha na James Mwakyembe

Kwa upande wa washiriki kutoka vituo kumi vya redio za jamii nyanda za juu kusini wao wameeleza kuwa mafunzo hayo yameongeza uelewa mkubwa hasa katika habari zinazowahusu watu wenye ulemavu.

Sauti ya washiriki kuhusu tija ya mafunzo 33

Mafunzo hayo ya siku mbili yamefanyika jijini Mbeya yakihusisha wandishi ishirini kutoka redio kumi za nyanda za juu kusini yamebeba lengo kuu la kuwaandaa wandishi kuandika na kuripoti habari za watu wenye ulemavu hapa nchini.