SAWAKA, HelpAge Ujerumani  kuboresha lishe Karagwe

25 April 2024, 12:58 pm

Kundi la wazee ni miongoni mwa makundi yaliyopo katika hatari ya kushambuliwa na magonjwa kutokana na kiwango cha kinga yao ya mwili kuwa chini. Shirika la Saidia Wazee Kagera (SAWAKA) kwa kushirikiana na HelpAge Ujerumani wameamua kuja na mpango wa kuboresha lishe kwa familia ikiwa na maana pia ya kuwasaidia wazee kupata lishe bora.

Na Edisoni Tumaini Galeba.

Benson Benjamini ni miongoni mwa vijana, wanawake na wazee 2800 waliochaguliwa na Shirika la Saidia Wazee Kagera (SAWAKA) linalosaidia wazee wa Karagwe na Kyerwa kutekeleza Mradi wa Kilimo Endelevu kinacholinda Mazingira.

March 10 majira ya saa Tatu za asubuhi . Benson ameshika panga mkononi, huku mkewe Joiness akiwa amembeba mtoto mgongoni.

Wanafanya maandalizi ya shamba linalokadiriwa kuwa na ekari 2 ambapo watapanda zao la alizeti. Wanaishi katika Kata ya Rugera, wilaya ya Karagwe, mkoani Kagera Kaskazini-Magharibi mwa Tanzania.

Awali, ukosefu wa ujuzi wa kilimo ulisababisha pengo la usalama wa chakula na mapato duni kwa familia yao ya watu watatu.

“Kabla nimekuwa nikipata takribani shilingi milioni mbili hadi tatu kwa mwaka lakini baada ya kupata mafunzo, nakadiria msimu zipande kutoka shilingi milioni tano hadi shilingi milioni 10 kwa mwaka”.Alisema Benson.

Wakati huo huo, matarajio ya Joiness  mkewe Benson ni makubwa, baada ya mumewe kumfundishwa ujuzi wa kilimo cha alizeti.

“Tunashirikiana pamoja. Anajitahidi kwa mambo mbalimbali, analima mahindi, ndizi, na sisi tulikuwa tunalima nyanya. Tunatarajia kuanza kulima alizeti na maboga sasa” Alisema Joines.

Benson kwa mara nyingine anasema, mbali na jirani yake Joanitha, milango iko wazi kwa wakulima wengine walio karibu naye ambao wangependa kujifunza ujuzi wa kilimo cha alizeti.

“Walituagiza tutafute watu 45 kila mmoja ambao tunapaswa kuwafundisha na kuwaelimisha zaidi.Nimeanza na mke wangu nisipokuwepo hata yeye anaweza kufanya kazi kwa sababu tayari nimeshamfundisha”. Alisema Benson

Joanitha Josephat anakoishi si mbali na familia hii ya Benson na mkewe Joanes.Joanitha alisema kuwa ,matamanio yake ni kujifunza kwa Jirani zake wanaofanya vizuri katika uboreshaji wa kilimo.

Kwa mujibu wa ripoti ya chakula na lishe duniani kwa mwaka 2023 iliyotolewa na shirika la chakula na kilimo (FAO) inaonyesha kuwa watu milioni 783 duniani wanakabiliwa na njaa.

Kati ya hao, watu milioni 11 wanatoka bara la Afrika, ambayo ni idadi iliyorekodiwa kwa mamia ya miaka tangu 2021.

Kwa mujibu wa Umoja wa Mataifa (UN), watu 25,000 wakiwemo watoto 1,000 hufariki dunia kila siku kutokana na njaa.

Wakati hayo yakitokea, Avith Theophil Musa, Meneja wa shughuli za mradi endelevu kutoka Shirika la SAWAKA anasema, Ushiriki wa wanawake na vijana katika shughuli za kilimo, unaweza kuwa suluhisho la tatizo la njaa barani Afrika.

Kuhusu changamoto ya kilimo kutegemea msimu wa mvua, Bwana Theophil alisema kuwa wanatarajia kuwa wazo la Shirkila la SAWAKA ni kuishawishi Serikali kuwa na mradi wa kilimo cha umwagiliaji ili kuwapunguzia wakulima adha ya kuendesha miradi ya kilimo cha kutegemea msimu wa mvua.  inaelezea mipango yao ya kipengele.

“Kwa miradi ijayo, tutahitaji kutatua changamoto hii ya maji kwa kufanya kilimo cha umwagiliaji lakini mnavyojua; kilimo cha umwagiliaji kinawahitaji wakulima kuwa sehemu moja ili kuweza kuhakikisha kuwa rasilimali zinazowekwa zinaweza kuwafikia wakulima wengi.” Alisema Theophil.

“Tunaweza kuzungumza na kuishauri Serikali ihakikishe kuna maeneo ambayo yanaweza kutengwa kwa ajili ya vijana kufanya kilimo cha umwagiliaji mifumo na pia kutumia njia nyingine mbadala zinazoweza kusaidia kulinda maji yanayotiririka wakati wa mvua wakati wa mvua katika maeneo tofauti. maeneo”

“Mabwawa ya umwagiliaji yanaweza kujengwa katika maeneo ya kilimo na miundombinu ikawekwa ili maji haya yaelekezwe shambani. Tutahitaji pia kuhakikisha kuwa tunatoa na kusambaza maarifa ya kilimo kuhusu Kilimo Bora cha Hali ya Hewa ambapo wakulima wanaweza kuwa na uelewa wa jinsi wanavyoweza kulima hivi sasa kwa mvua kidogo”.

Mnamo Septemba 25, Umoja wa Mataifa ulipitisha malengo 17 endelevu. Miongoni mwao, Lengo namba mbili ni kutokomeza njaa, kuwa na uhakika wa chakula, lishe bora na kukuza kilimo endelevu ifikapo 2025.

Livingstone Byekwaso Mkurugenzi wa Shirika la SAWAKA anasema kuwa Mradi wa Kilimo Endelevu utasaidia utekelezaji wa lengo hilo.

“Mradi huu ni wa mwaka mmoja ambao umefadhiliwa na Help Age Germany kupitia Help Age Tanzania na unatekelezwa na shirika letu la SAWAKA katika wilaya za Karagwe na Kyerwa.

Byekwaso alisema kwamba  Lengo kuu la mradi huu ni kuyajengea uwezo makundi maalum ya Kijamii ili yaweze kuboresha kipato na kupunguza umaskini hasa miongoni mwa vijana, wanawake na wazee.

“Lakini pia tunapenda kuboresha afya na lishe kwa wazee na pia tunapenda kutoa mafunzo ya jinsi ya kuandaa mlo kamili Tunawataka waweze kupika chakula ambacho kinaweza kukidhi mahitaji kwani uwiano ulikufa kwa ajili ya wazee na watoto. kuondokana na tatizo la utapiamlo na hivyo kuboresha lishe katika ukanda wetu”. Alisema Byekwaso

Kiongozi huyo alisema kuwa wanavihamasisha vikundi hivi na tutawapatia mbegu ili kuhakikisha kwamba wanaweza kuzalisha mazao kwa ajili ya chakula, kulinda mazingira na pia kujipatia kipato.

“Mradi unalenga kuhakikisha tunawafikia walengwa 2,800 na mpaka sasa lengo lililofikiwa ni zaidi ya 5000 hivyo basi, mazao tuliyoweka kwenye mipango yatatusaidia kuhakikisha wakulima wanaweza kuzalisha alizeti ya kutosha, maparachichi ya kutosha lakini pia mbegu za maboga za kutosha. kuzalisha mafuta kwa matumizi ya nyumbani na pia kwa ajili ya biashara ya kuuza”.Alisema Byekwaso