Zenj FM
  Stream radio
Menu
Zenj FM
  2. Maendeleo
  3. Uzinduzi wa Tawi la TAWEN Zanzibar Utaongeza Fursa za Kiuchumi kwa Wanawake

Uzinduzi wa Tawi la TAWEN Zanzibar Utaongeza Fursa za Kiuchumi kwa Wanawake

29 December 2024, 4:13 pm

Naibu Spika wa Baraza la Wawakilishi Mgeni Hassan Juma katika picha ya pamoja na viongozi was TAWEN Zanzibar.akikata keki kuashiria kuzinduliwa kwa Taasisi ya Tanzania Women Empowerment Network hafla iliyofanyika Mazizini Zanzibar.

Na Mary Julius.

Naibu Spika wa Baraza la Wawakilishi Mgeni Hassan Juma amesema  kuzinduliwa kwa  tawi la Taasisi ya Tanzania Women Enpowerment Network Zanzibar TAWEN kutawezesha wanawake kuzifikia fursa za kiuchumi zinazo tolewa na serikali ya Mapinduzi ya Zanzibar.

Naibu spika Mgeni ameyasema hayo  katika uzinduzi wa Tasisi ya Tanzania Women Empowerment  Network   Tawi la Zanzibar hafla iliyo fanyika Mazizini, amesema Uzinduzi huu unalenga kuwakomboa wanawake kwa kuwapa fursa mbalimbali za kiuchumi zinazotolewa na Serikali ya Mapinduzi ya Zanzibar ikiwa na lengo la kuwawezesha wanawake kufikia na kutumia fursa hizo ili kuboresha maisha yao na kuchangia katika maendeleo ya uchumi wa Zanzibar.

Aidha Ameipongeza TAWEN kwa kuokoa maisha ya wanawake na vijana kwa kuwa  mstari wa mbele katika kutoa elimu na msaada kwa jamii, hasa wanawake na vijana, kuhusu faida za kutumia nishati safi kama vile gesi, jiko la mkaa wa kisasa, na pia inachangia katika kulinda mazingira kwa kupunguza ukataji wa miti na uchafuzi wa mazingira.

Sauti ya Naibu Spika wa Baraza la Wawakilishi Mgeni Hassan Juma.

Kwa upande wake Mkurugenzi Taasisi ya Tanzania Women Empowerment Network (TAWEN), Florence Masunga  amesema  lengo kuu la Taasisi hiyo ni kuwasaidia wanawake katika masuala mbalimbali ya kiuchumi ili waweze kupiga hatua za kimaendeleo.

Sauti ya Mkurugenzi Taasisi ya Tanzania Women Empowerment Network (TAWEN), Florence Masunga.

Akizungumza katika uzinduzi huo Mlezi wa Taasisi ya TAWEN Amina Salum Ali amesema kwa upande wa Zanzibar nyumba nyingi zinaongozwa na wanawake hivyo kuwa na jukumu kubwa katika familia na jamii.

Aidha  amesema kwa kushirikiana na serikali taasisi hiyo itawasaidia wanawake katika kujikomboa kiuchumi na kuhakikisha wanatumia nishati salama ya kupikia.

Sauti ya Mlezi wa Taasisi ya TAWEN Amina Salum Ali.

Nae Makamo mwenyekiti wa TAWEN Thuweiba Edington Kisasi amesema jukumu la TAWEN ni kushikana mkono na wanawake na  vijana ili kuweza kuimarisha maendeleo yao.

Sauti ya Makamo Mwenyekiti wa TAWEN Thuweiba Edington Kisasi.

Mrajis wa NGOs Zanzibar Ahmed Khalid Abdulla  ameahidi kuendelea kutoa ushirikiano ili kuhakikisha tawen inapiga hatua ili kuhakikisha TAWEN inafikia malengo yake.

Sauti ya Mrajis wa NGOs Zanzibar Ahmed Khalid Abdulla.
Naibu Spika wa Baraza la Wawakilishi Mgeni Hassan Juma akigawa majiko ya gesi kwa wajasiri amali ili kuwa wezesha  kutumia nishati safi na salama ya kupikia.

Kuzinduliwa kwa tawi la Zanzibar linaifanya taasisi ya TAWEN  kuwa na matawi kumi na moja Tanzania ikiwa na kauli mbiu ya ni Wakati wa Mwanamke ni Sasa Inuka. kijana: Nafikiaje Ndoto yangu?