Zenj FM
  Stream radio
Menu
Zenj FM
  2. Afya
  3. Dk Mwinyi ahimiza jamii kufanya mazoezi Zanzibar

Dk Mwinyi ahimiza jamii kufanya mazoezi Zanzibar

8 December 2024, 4:59 pm

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi akiongoza matembezi ya Afya  yalioandaliwa na Wizara ya Afya kwa kushirikiana na Taasisi ya Pharm  Access ikiwa ni kampeni maalum ya kudhibiti Maradhi yasioambukiza  kwa jamii  yalioanzia Kiembe Samaki kwa Boutros hadi Uwanja Mao Tse Tung Wilaya ya Mjini.

Na Mary Julius.

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi amesema Serikali itaendelea  kuchukua juhudi  maalum  kuhakikisha inapunguza kasi ya ongezeko la Maradhi yasiombukiza nchini.

Rais Dk. Mwinyi ameyasema hayo alipozungumza  baada ya Kuongoza matembezi ya Afya  yalioandaliwa na Wizara ya Afya kwa kushirikiana na Taasisi ya Pharm  Access ikiwa ni kampeni maalum ya kudhibiti Maradhi yasioambukiza  kwa jamii  yalioanzia Kiembe Samaki kwa Boutros hadi Uwanja Mao Tse Tung Wilaya ya Mjini.

Rais Dk.Mwinyi   amesema  Takwimu za  Wizara ya Afya  zimeeleza kuwa  kuna Ongezeko la Maradhi Yasioambukiza kwa kiwango kikubwa ikwemo Kisukari, Presha , Uzito na Unene uliopitiliza na shinikizo la damu kunakosababishwa na  watu wengi kutofanya mazoezi.

Aidha Rais Dk.Mwinyi ametoa wito kwa  kila mmoja kuchukua hatua ya  kupunguza  matumizi ya vyakula vya wanga na mafuta ili kukabiliana na maradhi hayo.

Sauti ya Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi.

Nae Waziri wa Afya Zaznibar Nassor Ahmed Mazrui  amesema Dhamira ya Serikali ni kuona wananchi wote  wana afya njema  na kutambua kuwa suala la kufanya mazoezi sio anasa  na  Wizara inajiandaa kuwa na siku maalum ya mazoezi kila mwezi.

Aidha Ametoa rai kwa Taasisi za Umma na binafsi kuandaa utaratibu wa kuwa na siku maalum ya kufanya mazoezi.

Sauti ya Waziri wa Afya Zaznibar Nassor Ahmed Mazrui.

Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi pamoja na Mkurugenzi Mtendaji Pharm Access Dk Heri Marwa wakifurahia jambo katika Uwanja Mao Tse Tung Wilaya ya Mjini.

Akizungumza mara  baada ya  matembezi hayo Mkurugenzi Mtendaji Pharm Access Dk Heri Marwa amesema lengo la matembezi hayo ni kuihamasisha jamii kufanya mazoezi ili kuepukana na maradhi yasioambukiza.

Mkurugenzi Marwa amesema tatizo la magojwa yasio ambukizwa limekuwa janga kubwa duniani na kuitaka jamii kuachana na dhana potofu ya kuwa magojwa yasioambukizwa ni ya matajiri tu na badala yake kuchukua hatua katika kupambana na maradhi hayo.

Sauti ya Mkurugenzi Mtendaji Pharm Access Dk Heri Marwa.

Kwa pande wake Katibu Mkuu Wizara ya Afya Zanzibar Dkt Mngereza Mzee Miraji  amesema sekta ya afya Zanzibar inakabiliwa na changamoto mbalimbali ikiwemo ya ongezeko la maradhi yasioambukiza.

Sauti ya Katibu Mkuu Wizara ya Afya Zanzibar Dkt Mngereza Mzee Miraji.

Matembezi ya afya yamebeba kaulimbiu inayosema “chagua mazoezi kuwa sehemu ya maisha”