Puma Energy yafungua Kituo cha Kwanza visiwani Zanzibar

6 December 2024, 3:25 pm

Na Berema Nassor

Waziri  wa Maji  Nishati na Madini Shaibu Hassan Kaduara amesema  Serikali  ya   Mapinduzi  ya Zanzibar itaendelea  kushirikiana na wadau wa sekta mbali mbali ikiwa na lengo la kuleta mabadiliko ya maendeleo ya kiuchumi katika taifa na jamii kwa ujumla.

Akizungumza na  wadau wa sekta ya nishati katika uzinduzi wa kituo kipya cha  mafuta melii tano fuoni  Zanzibar  chini ya Kampuni ya Puma Energy amesema  tukio hilo  linaashiria  hatua nyengine muhimu  katika maendeleo ya sekta ya nishati Zanzibar  na uthibitisho  wa ushirikiano  wenye kuleta tija na mafanikio bora ya sekta binafsi ikiwemo kampuni ya Puma Energy Tanzania.

Kwa upande wake   Mkurugenzi  Mtendaji  Wa Kampuni Hiyo Fatma Mohamed Abdalla amesema  kituo cha  kipya cha mafuta  kilichopo  Fuoni Zanzibar   ni kituo cha kwanza  kufunguliwa kisiwa Zanzibar  ikiwa ni sehemu  ya kuendelea  kusambaza huduma  za upatikanaji  wa mafuta  na nyenginezo katika soko la Zanzibar.

Nao  baadhi ya  wafanya biashara wa huduma  za usafiri wa barabarani  wamesema  ufunguzi wa kituo hicho  kitawarahisishia  katika  kupata  huduma  za  mafuta ambacho kipo karibu na kituo chao cha biashara sambamba na kuweza kupata fursa za ajira kwa vijana hapa Zanzibar .

Ujenzi wa  kituo hicho cha Fuoni  Meli tano  kimegharimu kiasi  cha shilingi za Kitanzania  Bilioni mbili   nukta tano hadi kukamilika.