Zenj FM
  Stream radio
Menu
Zenj FM
  2. Walemavu
  3. Bil. 20 kuinua maisha ya watu wenye ulemavu kupitia CADiR

Bil. 20 kuinua maisha ya watu wenye ulemavu kupitia CADiR

17 August 2025, 1:48 pm

Katibu Mtendaji wa Baraza la Taifa la Watu Wenye Ulemavu Zanzibar, Mhandisi Ussi Khamis Debe, Akizungumza na waandishi wa habari katika ukumbi wa hotel ya Madinat al Bahr Mbweni – Zanzibar.

Mradi CADiR unaratibiwa na Norwegian Association of Disabled (NAD) kama taasisi kiongozi, ukihusisha mashirika ya Norway.Mradi huo unatarajiwa kuzinduziliwa rasmi na Makamu wa Kwanza wa Rais wa Serikali ya Mapinduzi ya Zanzibar, Othman Masoud Othman, tarehe 20 Agosti 2025 katika hotel hotel ya Madinat al Bahr Mbweni – Zanzibar.

Na Mary Julius.

Katibu Mtendaji wa Baraza la Taifa la Watu Wenye Ulemavu Zanzibar, Mhandisi Ussi Khamis Debe, amesema shilingi bilioni 20 zitatumika kutekeleza Mradi wa Collective Actions for Disability Rights (CADiR), mradi wa miaka mitano unaolenga kuinua hali ya maisha ya watu wenye ulemavu kupitia uwekezaji katika elimu, afya, ajira na mifumo ya uwajibikaji.
Akizungumza na waandishi wa habari katika ukumbi wa hotel ya Madinat al Bahr Mbweni – Zanzibar,Debe amesema mradi wa CADiR una malengo ya Kuboresha miundombinu ya elimu jumuishi ili kuongeza upatikanaji wa elimu kwa watoto wenye ulemavu, Kuimarisha huduma za afya na ukarabati unaozingatia mahitaji ya watu wenye ulemavu.
Katibu Debe, amesema mradi huo wa miaka mitano ambao unaanza 2025 hadi mwaka 2029, unatarajia Kuongeza shule na vituo vya afya vinavyokidhi vigezo vya ujumuishaji na Kuongeza ushiriki wa watu wenye ulemavu katika ajira rasmi na isiyo rasmi pamoja na Kujenga mifumo thabiti ya uwajibikaji na ushiriki wa wananchi.

Sauti ya Mtendaji wa Baraza la Taifa la Watu Wenye Ulemavu Zanzibar, Mhandisi Ussi Khamis Debe.

Nae Mwenyekiti wa Shirikisho la Jumuiya za Watu Wenye Ulemavu Zanzibar SHIJUWAZA, Mwandawa Khamis Mohammed, amesema mradi huu utaboresha mazingira ya watu wenye ulemavu na kuchochea maendeleo ya kiuchumi kwao.

Sauti ya Mwenyekiti wa Shirikisho la Jumuiya za Watu Wenye Ulemavu Zanzibar SHIJUWAZA.

Kwa upande wake Mkurugenzi Mkazi wa Taasisi ya Watu Wenye Ulemavu wa Norway (NAD), Abdalla Amour, amesema mradi wa CADir utatekelezwa Tanzania bara na visiwani Zanzibar ukijikita katika maeneo manne makuu ambayo ni pamoja na kuzijengea uwezo wa taasisi 18 za watu wenye ulemavu,Kuongeza skuli 110 zitakazowezeshwa kutoa elimu jumuishi pamoja na Kutoa mafunzo kwa walimu, jamii na familia kuhusu ujumuishaji wa watoto wenye ulemavu.

Sauti ya Mkurugenzi Mkazi wa Taasisi ya Watu Wenye Ulemavu wa Norway (NAD), Abdalla Amour.