Bajeti ya mwaka 2025/2026 itazingatia mapendelezo ya mabaraza ya Watoto

27 February 2025, 5:47 pm

Na Mary Julius.

Afisa Mipango Wilaya ya Magharib b Faida Khamis Ali  amesema bajeti ya mwaka 2025 2026 imezingatia mapendelezo yaliyo tolewa na Mabaraza ya watoto.

Afisa ameyasema hayo wakati Akifungua kikao  cha watoto wadau wa asasi za kiraia na serikali juu ya mapendelezo ya bajeti kwa watoto,kikao kilichofanyika skuli ya tumekuja

Aidha Amesema  wilaya ya Magharib b itahakikisha  maslahi ya watoto yanazingatiwa katika mchakato wa kupanga bajeti, na sauti za watoto, kupitia mabaraza yao, zinapewa kipaumbele katika maendeleo ya jamii.

Kwa upande wake Mkuu wa Division ya Mapendelezo ya Watoto Mohammed Jabil  amesema lengo la mkutano huo ni kukumbushana mapendekezo ya shughuli za bajeti zinazo gusa mabaraza ya  watoto  pamoja na kuimarisha, Uwajibikaji  kati serikali na asasi za kiraia  katika ushikishaji na kuimarisha mabaraza ya watoto.  

Aidha amesema uwepo wa  uhaba wa rasilimali fedha  umesababisha kupunguza utekelezaji  wa uimarishaji wa mabaraza hayo.

Nae Mratibu Jukwaa la Haki za Watoto ZCRF Sophia Leghela amesema lengo kubwa ni kuhakikisha watoto wanatengewa bajeti Yao katika bajeti ya taifa ili kuimarisha mabaraza yao

Aidha amesema asasi za kiraia zinawajibu mkubwa  wa kuhakikisha zinaisaidia serikali katika  kuimarisha mabaraza ya watoto.

Wakitia michango yao washiriki katika mkutano huo wameiomba wizara ya elimu kuangalia suala Zima la adhabu maskuli ili kujenga jamii iliyo bora.