Keifo FM
  Stream radio
Menu
Keifo FM
  2. Uncategorised
  3. Waziri Mkuu ziarani Kyela

Waziri Mkuu ziarani Kyela

10 May 2024, 18:21

Pichani ni mkuu wa wilaya ya Kyela Josephine Manase,anayemtazama kwa makini ni Mwenyekiti wa chama cha Mapinduzi wilaya ya Kyela Elias Ulisaja Mwanjala wakiwa katika kikao cha baraza la madiwani kilichoketi May 9 katika ukumbi wa halmashauri ya wilaya Kyela picha Aidan Mwasampeta

“Tupo tayari kumpokea waziri mkuu wa jamhuri ya muungano wa Tanzania ili aje aone namna fedha za zinazotolewa na raisi samia jinsi zinavyofanya kazi za maendeleo hapa wilayani”.

Na Masoud Maulid

Waziri mkuu wa jamhuri ya muungano wa Tanzania Kasim Majaliwa anatarajiwa kuzuru Kyela na kufanya ziara itakayoambatana na ukaguzi na uzinduzi wa miradi mbalimbali ya kiserikali mwishoni mwa wiki hii.

Kwa muujibu wa mkuu wa wilaya ya Kyela Josephine Manase amesema waziri mkuu Kasimu Majaliwa anatarajiwa kuingia wilayani hapa jumapili na kufanya ukaguzi wa shamba la kokoa na shule ya wasichana mkoa wa mbeya inayojengwa katika kata ya Busale.

Sauti ya mkuu wa wilaya ya kyela Josephine Manase kuhusu ujio wa waziri mkuu

Ameongeza kuwa mbali na waziri mkuu kukagua miradi pia atatembelea shamba la kakao pamoja na kuweka jiwe la msingi katika jengo la wodi la mama na mtoto na pia kuweka jiwe la msingi kwenye shule ya wasichana mkoa wa Mbeya ambayo imejengwa kata ya busale hivyo amewaomba wananchi kujitokeza kwa wingi.

Sauti ya mkuu wa wilaya ya Kyela kuhusu waziri mkuu kukagua miradi mbalimbali hapa kyela

Kwa upande wa madiwani wa halmashauri ya wilaya ya kyela wakizungumza kwa niaba ya wananchi wamesema,wamefurahishwa  na ujio wa waziri mkuu Kassimu Majaliwa ndani ya wilaya ya kyela ambapo wameeleza kuwa ugeni huo unafungua fursa nyingi kwa wananchi,hivyo wamewataka wananchi  kujitokeza katika mapokezi yake.

Sauti ya madiwani kyela kuhusu matarajio yao na utayari wao kwa mapokezi ya waziri mkuu
Pichani ni madiwani wanaounda baraza la madiwani hapa wilayani kyela wakiwa katika kikao chao kilichofanyika May 9 2024 Kyela.

Ujio wa waziri mkuu Kasimu Majaliwa ndani ya wilaya ya Kyela unabeba matumaini kwa wananchi juu ya kutatuliwa kwa kero zao mbalimbali ambazo zimekuwa zikiwakabiri ikiwemo migogoro ya ardhi ambayo imekosa mwarobaini hapa wilayani Kyela.