Zenj FM
  Stream radio
Menu
Zenj FM
  2. Uchaguzi
  3. ZEC: Vyama 12 vyarudisha fomu za urais Zanzibar, CUF yaenguliwa

ZEC: Vyama 12 vyarudisha fomu za urais Zanzibar, CUF yaenguliwa

10 September 2025, 7:29 pm

Mwenyekiti wa Tume ya Uchaguzi ya Zanzibar Jaji George J. Kazi akipokea fomu za uteuzi kutoka kwa Mgombea Kiti cha Urais kupitia tiketi ya Chama cha ACT – WAZALENDO, Othman Masoud Othman katika hafla ya urejeshaji wa fomu ya Uteuzi Ugombea Kiti cha Urais 2025.

Na Mary Julius.

Ikiwa leo ni siku ya mwisho ya kuwasilisha fomu za kugombea urais kwa upande wa Zanzibar, Tume ya Uchaguzi ya Zanzibar (ZEC) imethibitisha kuwa jumla ya vyama 12 kati ya 17 vimerudisha fomu, huku chama kimoja, CUF, kikienguliwa kwa kutotimiza vigezo vya uteuzi.
Akizungumza na waandishi wa habari, Mwenyekiti wa ZEC, Jaji George Joseph Kazi, amesema mgombea wa urais kwa tiketi ya Chama cha Wananchi CUF, Hamad Masoud Hamad, ameenguliwa baada ya kushindwa kuwasilisha fomu kamili ya wadhamini kutoka mkoa wa Kaskazini Unguja.
Kwa upande mwingine, mgombea wa urais kupitia chama cha ACT-Wazalendo Othman Masoud othman amekumbwa na changamoto ya kutokamilika kwa uthibitisho wa uanachama wa baadhi ya wadhamini kutoka mikoa miwili.
Tume imetoa muda wa hadi kesho saa tatu asubuhi kwa ACT-Wazalendo kuthibitisha uanachama wa wadhamini hao.

Sauti ya Mwenyekiti wa ZEC, Jaji George Joseph Kazi.

Akizungumzia maamuzi hayo, mgombea wa CUF, Hamad Masoud Hamad, amesema wameshindwa kuwasilisha fomu ya mkoa wa Kaskazini Unguja kutokana na sababu za kiutendaji ndani ya chama.

Sauti ya Mgombea wa CUF, Hamad Masoud Hamad.

Vyama vitano ambayo havijarejesha fomu za kugombea kabisa ni SAU, CCK, UMD, DP, na UPD.