Kyela:Asente sana ccm kyela

28 January 2025, 12:00

“siku chache zilipita chama cha mapinduzi ccm wilaya ya kyela kupitia halmashauri kuu wamenitunuku cheti cha shukrani kutambua mchango wangu katika ujenzi wa chama change”

Na James Mwakyembe

Aliyekuwa mgombea wa ubunge kupitia chama cha demokrasia na maendeleo chadema kabla ya kujiunga na ccm Abraham Mwanyamaki amewashukuru vionggozi wa chama hicho wilaya ya kyela kwa kuendelea kumpa ushirikiano katika shughuli mbalimbali za ujenzi wa chama hicho.

Kauli hii imekuja siku chache baada ya kada huyo na mwanachama wa cha mapinduzi na mdau wa maendeleo wilayani kyela kutunukiwa cheti cha hisani na viongozi wa chama cha mapinduzi ccm kata ya matema kwa kutambua mchango wake katika kukijenga chama.

Akizungumza na kituo hiki Mwanyamaki amesema ametambua thamani kubwa aliyopewa na viongozi wa chama hicho wilaya ya kyela na kutoa shukrani zake kwa kuahidi kuendelea kuungana nao katika  kazi mbalimbali za maendeleo ili kuijenga ccm imara na tishio kwa wapinzani.

Kuhusu lini yeye kujiunga na chama cha mapinduzi ccm  Mwanyamaki amebainisha kuwa yeye ni mwanachama mtiifu wa ccm kwa kipindi kirefu tangu na baada ya uchaguzi mkuu wa 2015.

Ameongeza kuwa kwa kipindi hicho chote ameendelea kushirikiana na viongozi wa chama kata na wilaya katika shughuli za ujenzi wa chama ikiwemo ujenzi wa nyumba ya jumuiya kwa kuchangia fedha za saruji ili kuhakikisha viongozi wa jumuiya hiyo wanakuwa na sehemu ya kuishi bila shaka yoyote.

Abraham Mwanyamaki ni mzaliwa wa kijiji cha Ikombe kata ya Matema hapa wilayani kyela,ambaye mwaka 2015 alichuana vikali na aliyekuwa mbunge wa jimbo la kyela Dk Harison Mwakyembe kabla ya kuhamia ccm.