Zenj FM
  Stream radio
Menu
Zenj FM
  2. Malezi
  3. Miaka mitatu ya ZCRF imesaidia Watoto Kujieleza Zanzibar

Miaka mitatu ya ZCRF imesaidia Watoto Kujieleza Zanzibar

19 December 2024, 4:44 pm

Mratibu wa Jukwaa la Haki za Watoto Zanzibar Sophia Leghela akizungumza katika mkutano huo Katika Ukumbi wa skuli ya Tumekuja Wilaya ya Mjini mkoa wa Mjini Magharib.

Na Mary Julius.

Uwepo wa Jukwaa la Haki za Watoto Zanzibar (ZCRF) umesaidia watoto kuwa na uhuru wa  kujieleza,kujitambua na kupelekea kushiriki katika jukwaa la  bajeti Zanzibar.

Akizungumza wakati wa  wakiwakilisha ripoti ya mwaka  ya Jukwaa la Haki za Watoto Zanzibar (ZCRF) hafla iliyofanyika katika ukumbi wa Skuli ya Tumekuja, Mwenyekiti Wa Jukwaa Hilo Mussa Kombo amesema  Watoto wameweza kuhusishwa katika majadiliano ya bajeti na kupata fursa ya kutoa maoni kuhusu vipaumbele muhimu kwao, kama vile huduma za afya, elimu bora, na usalama wao.

Aidha Mwenyekiti Mussa amesema uwepo wa jukwaa hilo umesaidia kuwaanzishwa kwa mfumo wa uwajibikaji wa jamii unaazingatia ushirikishwaji wa watoto.

Sauti ya Mwenyekiti wa Jukwaa la Haki za Watoto Zanzibar (ZCRF) Mussa Kombo.

Kwa upande wake Mratibu wa Jukwaa la Haki za Watoto Zanzibar Sophia Leghela amesema Mradi umefanikiwa kuhakikisha sauti za watoto zinasikika na kuweza kushiriki katika vikao mbalimbali vya maamuzi pamoja na kuwakutanisha na viongozi wa serikali na kuwakilisha changamoto zao.

Aidha Sophia amewataka wazazi kuwaruhusu watoto kushiriki katika mabaraza ili kujenga viongozi wazuri wa badae.

Sauti ya Mratibu wa Jukwaa la Haki za Watoto Zanzibar Sophia Leghela.

Nao watoto wanaoshiriki katika Jukwaa la Haki za Watoto Zanzibar (ZCRF) wamewataka watoto kujitokeza katika mabaraza ili kujijengea uwezo wa kujisimamia na kushiriki katika mambo mbalimbali yanayo wahusu.

Sauti za watoto.

Jukwaa la haki za watoto Zanzibar ni mwavuli wa asasi za kiraia Zanzibar ambazo zimejikita kwenye ulinzi na utetezi wa haki za watoto, jukwaa limeweza kuwafikia watoto 1028 wakiwemo wasichana 672 na wavulana 356.