Mufindi FM
  Stream radio
Menu
Mufindi FM
  2. Nishati
  3. Makamu wa rais kutembelea mradi wa umeme TAZA Mufindi

Makamu wa rais kutembelea mradi wa umeme TAZA Mufindi

15 October 2026, 1:24 pm

Mkuu wa wilaya ya Mufindi mkoani Iringa Mh. Dkt Linda Salekwa akizungumza na waandishi wa habari ofisini kwake kuhusu ujio wa makamu wa rais Mh.Deogratius Ndejembi. Picha na Kelvin Ayubu

Makamu wa Rais kutembelea mradi wa umeme wa TAZA wilayani Mufindi Oktoba 17, 2026 ili kujionea maendeleo ya mradi huo wa kimkakati.

Na Jumanne Bulali

Mkuu wa Wilaya ya Mufindi, Mheshimiwa Dkt. Linda Salekwa, ametangaza ujio wa Makamu wa Rais wa Jamhuri ya Muungano wa Tanzania, Mhe. Deogratius Ndejembi, wilayani humo, unaotarajiwa kufanyika Oktoba 17, 2026.

Akizungumza na Mufindi FM Radio, Dkt. Salekwa amesema kuwa wakati wa ziara hiyo, Makamu wa Rais atatembelea mradi mkubwa wa umeme wa TAZA unaounganisha Tanzania na Zambia.

Sauti ya mkuu wa wilaya ya Mufindi Mh. Dkt Linda Salekwa

Aidha, Dkt. Salekwa amesema kuwa uwepo wa mradi huo Wilayani  Mufindi unatarajiwa kuchangia kuboresha upatikanaji wa nishati ya umeme wa uhakika kwa matumizi ya wananchi na viwandani na kuchochea shughuli za ukuaji wa uchumi wilayani humo.

Sauti ya Mkuu wa Wilaya ya Mufindi Mh. Dkt Linda Salekwa

Mradi huo wenye thamani ya shilingi bilioni 69 unatekelezwa katika Kijiji cha Kisada, Kata ya Bumilahinga, Wilaya ya Mufindi, mkoani Iringa.

Ziara hiyo inatarajiwa kutoa fursa ya kufahamu maendeleo ya utekelezaji wa mradi huo wa kimkakati wa kuunganisha mifumo ya umeme kati ya Tanzania na Zambia.